Sport

Deschamps i kërkon PSG-së, që Mbappe të pushojë: "Ai duhet të luajë më pak minuta"

Trajneri francez këmbëngul se sulmuesi duhet ta lënë të "marrë pak frymë" për të mbërritur më i freskët në Kupën e Botës në Katar.

26 Shtator 2022, 10:22 Nga DOSJA

Deschamps i kërkon PSG-së, që Mbappe të pushojë:

FRANCE - Trajneri i Francës, Didier Deschamps, ishte i qartë dhe i kërkoi trajnerit të PSG-së, Christophe Galtier, që Kylian Mbappe të "marrë pak frymë", në mënyrë që me këmbë më të freskëta të shkojë në botërorin e Katarit nëntorin e ardhshëm. Trajneri i kombëtares franceze beson se zgjidhja është që Kylian të luajë “më pak minuta”.

"Unë e di që (Galtier) ende dëshiron që Kylian të luajë. Por herë pas here, ai duhet të jetë në gjendje të marrë frymë pak,"- tha trajneri i Francës, Didier Deschamps, për 'Telefoot'. Trajneri francez këmbënguli, se sulmuesi i PSG-së “duhet të luajë më pak minuta. Nuk do ta dëmtojë atë, përkundrazi,"- shtoi ai, si një zgjidhje në mënyrë që lojtari të mbërrijë më i qetë në Kupën e Botës dhe të ketë më pak rrezik për t'u dëmtuar para Katarit 2022.

Mbappé është lideri i padiskutueshëm i PSG-së dhe i luan të gjitha ndeshjet në skuadrën franceze. Deri më sot, ai ka startuar të nëntë ndeshjet e Ligue 1 dhe Champions League këtë sezon. Ai vazhdon në një nivel të lartë dhe tashmë ka shënuar 10 gola.

Por Galtier nuk është i vetmi që 'i detyron' këmbët e Mbappes, pasi lojtari francez luajti gjithashtu të enjten 90 minutat e plota të fitores 2-0 të Francës në Nation League ndaj Austrisë të enjten. Përveç kësaj, ai ishte edhe titullar kundër Danimarkës këtë të dielë.

B.T (Dosja.al)

Sondazh

Poll

MË SHUMË