Politike

'E kam të thjeshtë të bëj pazare me oligarkët'/ Ndërtimet pa leje, Rama: Të pasurit 'blejnë' gjykatësit

Rama tha se të pasurit i zgjidhin punët ndryshe, ndaj dhe drejtësia nuk vepron mbi to. 

17 Shtator 2022, 11:50 Nga A.B
'E kam të thjeshtë të bëj pazare me
Edi Rama

TIRANË- Kryeministri Edi Rama u shpreh ditën e sotme se të pasurit në Shqipëri i zgjidhin punët duke bashkëpunuar me drejtësinë. Gjatë konferencës me gazetarët, Rama tha se ata i zgjidhin punët ndryshe, ndaj dhe drejtësia nuk vepron mbi to. 

'Të gjithë jemi në një anë, jo të ndryshme. E thonë shumë, e kam thënë dhe unë disa herë. Eshtë e tmerrshme por pse ndodh kjo, sepse këta më të pasurit me këtë drejtësi i zgjidhin punët. Nuk jam unë që nuk lejoj drejtësinë të merren me ta por drejtësia nuk lejon. Nëse në këtë vend gjykatat do të bënin sa policia e shtetit do të ishte shumë herë më i përparuar, sa janë rastet që policia i shtetit i con në gjykatë fajtorët. është e vërtetë që një rob i thjeshtë dhe një burrë i vjetër apo një grua të mund të përfundojë në duart e ligjit për një mur apo dritare. U kap Bojken Lako, dikush që ndërtoi disa kate nuk përfundon. Pse? Se te drejtësia e kanë kollaj. Keni dëgjuar shumë përralla për inceneratorët, lidhur me ato të vdekurit, atë skemë e kanë zbuluar tatimet e Shqipëris, është denoncuar në prokurori, nuk është bërë asgjë për fajtorët. Prokuroria e ka cuar te nëndaja, që pastaj dalin dhe bëjnë prokurorin rrugëve. SPAK është një institucion që merret me gjëra të tjera, po prokuroria e Tiranës dhe rretheve, të superzellshëm kur vjen puna për të kapur njerëz të pafuqishëm, cojnë para drejtësisë njerëz për një mur. Këta që ndërtojnë pa leje për të shitur këta e blejnë prokurorin e gjykatësin, policia është e pafuqishme para tyre. Njerëz vemje me gjak jeshil, që dalin në TV e cfarë nuk thonë për mua. Nuk i bëjmë gabimet me qëllim, nëse do doja të bëja pazare me këta oligarkë do e kisha shumë të thjeshtë, dhe VKM vjen si nevojë për të ndihmuar. Gjykatësit bëjnë pazare me ta. Bëhet pazar me politikën dhe median, vendimi që kemi marrë nuk e largon drejtësinë, vendimi i qeverisë bën që ata që kanë ndërtuar këtë kate të vënë mend. '- tha Rama.

edi rama konfiskimi i kullave

Sondazh

Poll