Aktualitet

Kultivoi drogë mes shkurreve, droni kap parcelën në Kurbin, arrestohet 20-vjeçari (NJOFTIMI)

D.H, 20 vjeç u prangos ndërsa u procedua penalisht kryeplaku i fshatit Fushë Milot. 

16 Shtator 2022, 12:16 Nga f.g
Kultivoi drogë mes shkurreve, droni kap parcelën në Kurbin,
Foto ilustruese

KURBIN- Një 20-vjeçar është arrestuar nga Policia e Kurbinit pasi iu gjet përmes kontrollit me dron një sasi droge e mbjellë mes shkurreve. D.H, 20 vjeç u prangos ndërsa u procedua penalisht kryeplaku i fshatit Fushë Milot. 

NJOFTIMI I PLOTE: 

Kurbin / Vijon kontrolli masiv i territorit, nga toka dhe ajri, duke përdorur edhe dronë, me qëllim parandalimin, evidentimin dhe goditjen e veprimtarisë kriminale të kultivimit të bimëve narkotike. Finalizohet nga Komisariati i Policisë Kurbin, operacioni policor i koduar “Kamuflimi”. Evidentohet dhe goditet një rast i kultivimit të bimëve narkotike në ambient të hapur, vihet në pranga autori i dyshuar. Procedohet në gjendje të lirë, për shpërdorim detyre, kryetari i fshatit ku u gjetën të kultivuara bimët narkotike të cilat u asgjësuan nga shërbimet e Policisë. Në vijim të punës për parandalimin, evidentimin dhe goditjen e veprimtarisë kriminale të kultivimit të bimëve narkotike, shërbimet e Komisariatit të Policisë Kurbin kanë vijuar kontrollet e imtësishme të territorit, duke përdorur dronë dhe shërbime në terren.

Si rezultat i kontrolleve, si dhe bazuar dhe në informacionet e siguruara në rrugë operative, është finalizuar operacioni policor i koduar “Kamuflimi”, në kuadër të të cilit është arrestuar në flagrancë shtetasi D. H., 20 vjeç, banues në Fushë Milot, Kurbin, për veprën penale “Kultivimi i bimëve narkotike”. 20-vjeçari është arrestuar pasi, në afërsi të banesës së tij, në një zonë me shkurre, janë gjetur të kultivuara bimë të dyshuara narkotike që janë asgjësuar me anë të djegies. Në vijim të veprimeve, u procedua penalisht në gjendje të lirë shtetasi L. L., 56 vjeç, banues në Fushë Milot, me detyrë kryetar i po këtij fshati, për veprën penale “Shpërdorimi i detyrës”. Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme.

droge ne kurbin

Sondazh

Poll

MË SHUMË