Politike

Shehi: Qeveria nuk e do Europën, ka bezdi nga rregullat e tyre

Shehi deklaroi se në vendin tonë nuk ka dashuri për Europën se nëse do kishte do të kishte investime të huaja. 

15 Shtator 2022, 14:22 Nga A.B
Shehi: Qeveria nuk e do Europën, ka bezdi nga rregullat e tyre
Dashamir Shehi

TIRANË- Deputeti i Partisë Demokratike, Dashamir Shehi deklaroi ditën e sotme se Qeveria nuk ka para për të shpërndarë. Gjatë fjalës së tij në Kuvend, Shehi shtoi se në vendin tonë nuk ka dashuri për Europën se nëse do kishte do të kishte investime të huaja. 

'S’ka para për të shpërndarë, por ka plan se si të prishen paratë e Europës. Gjykoj se çdo lloj pr/ligji është reflektim për këtë parlament për raportin e Shqipërisë në BE. Nëse duam Europën, ajo është një dimension më i madh. Do doja të thoja se ne duhet të reflektojmë të gjithë për këtë situatë. Ku është Shqipëria, Europa dhe pse jemi kaq vonë. Para 20 vitesh kam pasur rastin të shkoj në Berlin dhe para portave që ishte simbol i ndarjes së Europës, pashë në darkë, kemi qenë 3 deputetë nga PS dhe 3 nga krahu tjetër, pashë dhjetra adoleshentë të huaj që përshëndetshin. Mendova; a do bëhen fëmijët tanë që të gërthasin me flamurin kuq e zi në dyert e Europës. ka shumë pak Shqipëria proeuropianë, jo thjesht që nuk na duan ne, por këta që qeverisin nuk duan, Shqiptarët duan, se andej po ikin se kokën e kemi pasur nga perëndimi. Ku jemi pas 20 vitesh? Këtu ska dashuri për Europën, se Eruopa kërkon ça rregulla. Qeverisë i japin bezdi rregullave të Europës. Do e linin policët e Europës që të mbillej kanabis si misri në Shqipëri? A e keni parë investimet? Europiane janë? Gjysma e investimeve vijnë nga lindja e Mesme. Këtu s’ka Europë. Pse s’ka kompani franceze, italiane, pse? Se ata e kuptojnë se nuk e do qeveria Europën. Tani do i duhet të bëjmë avokati Vuçiçit. Ndaj e kemi këtë vështirësi ne.”- u shpreh Shehu.

dashamir shehi seance plenare 15 shtator 2022

Sondazh

Poll

MË SHUMË