Politike

'Qeveria vjedh si KÇK'/ Zhupa: Ministrja e Arsimit s'ka ardhur në Kuvend se po rrit pagat e pedagogëve

Deputetja deklaroi se qeveria është kthyer në KÇK, kap çfarë të kapësh nga çdo lloj fondi. 

15 Shtator 2022, 14:20 Nga A.B
'Qeveria vjedh si KÇK'/ Zhupa: Ministrja e Arsimit s'ka
Ina Zhupa

TIRANË-Deputetja Ina Zhupa ironizoi mungesën e ministres së Arsimit, Evis Kushit në Kuvend. Ajo tha se mbase Kushi është duke rritur pagat e pedagogëve të cilët dolën ditën e sotme në protestë. Ndër të tjera deputetja shtoi se qeveria është kthyer në KÇK, kap çfarë të kapësh nga çdo lloj fondi. 

'E sa herë ka kërkesa nga pedagogët apo studentët është përca e sundo. Merr disa pedagogë takoji më vete, krijo idenë se do u japësh dicka dhe në fund nuk marrin asgjë askush. Por nuk do u funksionojë se një herë dy herë me të njëjtat gënjeshtra nuk mund t’i gënjeni gjithë kohën trupën akademike shqiptare se sot janë më të varfërit në rajon. Mjafton krahasimi me ksovës sa keq është niveli i pagave të pedagogëve shqiptarë.

A ka më shembull flagrant se si vidhen paratë e BE se sa fondet IPARD kur i merr drejtori ekzekutiv i inceneratorit të Tiranës? Sipas mediave ai personi që ka firmën për inceneratorin e Tiranës është regjistruar dhe si fermer e ka marrë 310 mijë euro nga fondet e programit IPARD. Po ku është ferma bujqësore? Në Sharrë, në tokën që shteti i ka dhënë inceneratorit. Jo vetëm që marrin paratë nga taksat e qytetarëve për një incenerator që nuk ekziston por duke qenë se aty është fushë dhe incenerator nuk është pse mos e quajmë fushë dhe të vjedhim dy herë, të marrim e paratë e BE t’jua heqim fermerëve të ndershëm që kanë realisht nevojë për ndihmë.

I vidhni njësoi si taksat e qytetarëve shqiptarë ashtu dhe taksat që pagujanë qytetarët evropianë e që vijnë në formën e granteve, këtu jeni të drejtë i vidhni të dyja palët njëloj, këtu jeni fiks KCK, kapni ca të kapni cdo lloj fondesh i merrni për të njëjtët njerëz. E pastaj nuk ka fonde e del kryeministri e qahet në konferencat e BE që nuk na japin mjaftueshëm e i kërcënon me lidhjet e tij me Serbinë e Rusinë, ndërkohë kanë dhënë mjaftueshëm po të mos i vidhnit, po të mos i shpërdoronit”-tha Zhupa.

ina zhupa seance plenare 15 shtator 2022

Sondazh

Poll

MË SHUMË