Politike

Marrëveshja me KE për fondet IPA, Kumbaro: Do zbatohen dy projekte, i pari kushton 35 mln euro

Kumbaro u shpreh se një projekt do të kushtojë 35 mln euro dhe do të kenë në fokus zbatimin e modeleve për mbetjet e ngurta bashkiake dhe për mbylljen e venddepozitimeve për 2 qarqe.

15 Shtator 2022, 11:38 Nga A.B
Marrëveshja me KE për fondet IPA, Kumbaro: Do zbatohen dy projekte, i
Mirela Kumbaro

TIRANË- Ministrja e Turizmit, Mirela Kumbaro foli ditën e sotme për IPA. Nga seanca plenare, Kumbaro tha se janë dy projekte madhore që do të bëhen në kuadër të IPA-s. Një prej tyre sipas saj do të kushtojë 35 mln euro dhe do të kenë në fokus zbatimin e modeleve për mbetjet e ngurta bashkiake dhe për mbylljen e venddepozitimeve për 2 qarqe.

'IPA ka në fokus dhe dy projekte për mjedisin. Dy projekte madhore janë të përfshira, 35 mln euro janë parashikuar për programin e parë për një Shqipëri të pastër si pjesë e sfidës mbarë botërore. Një pjesë e vendeve kanë evidentuar modelin e rrugën sesi duhet bashkëjetuar me mbetjet që prodhon. Kjo Qeveri e ka bërë pjesë të punës aksionin për pastrimin e mjedisit. Programi IPA do zbatojë modele për mbetjet e ngurta bashkiake dhe për mbylljen e venddepozitimeve për 2 qarqe, për atë të Kuksit dhe Gjirokastrës. Do bazohen nga prodhuesi i mbetjeve e deri te pjesa e fundit. Programi do të kontribuojë në pastrimin e mjedisit'- u shpreh Kumbaro. 

mirela kumbaro seance plenare 15 shtator 2022

Sondazh

Poll

Politike 15 Shtator 2022, 11:12 F.M

FOTOT/ Kim i shkon në zyrë Celibashit

Yuri Kim TIRANË- Ambasadorja amerikane në Tiranë, Yuri Kim ndodhet në ambientet e Komisionit Qendror të Zgjedhjeve. Ajo ka shkuar ...