Politike

I dal nga listat e PS-së për deputet në Durrës, KQZ ndalon kandidimin e Artan Bitrit: Ka fshehur të dhëna dhe ka dy emra

Komisioneri vendosi se Bitri ndodhet në kushtet e ndalimit për tu zgjedhur/ushtruar funksionin publik të deputetit, pasi rezulton se Artan Bitri ka ndërruar emrin, duke përdorur më parë edhe emrin Ergi Bitri.

13 Shtator 2022, 21:21 Nga I.A

I dal nga listat e PS-së për deputet në Durrës, KQZ ndalon

Artan Bitri

TIRANË- Komisioni Qendror i Zgjedhjeve ka njoftuar sot kandidati i Partisë Socialiste për deputet në Durrës, Artan Bitri është në kushtet e ndalimit të garimit. Komisioneri vendosi se Bitri ndodhet në kushtet e ndalimit për tu zgjedhur/ushtruar funksionin publik të deputetit, pasi rezulton se Artan Bitri ka ndërruar emrin, duke përdorur më parë edhe emrin Ergi Bitri.

Po ashtu kandidati për deputet i PS-s ka fshehur dhe të dhënat në formularin e vetëdeklarimit. Ndërkohë që Instituti i Studimeve Politike me anë të një postimi në Facebook, ka ngritur pyetje në lidhje me mënyrën se si ky person u zgjodh kandidat për deputet.

“17 muaj pas zgjedhjeve një tjetër kandidat për deputet (drejtor VIP në OST & në shëndetësi) rezulton se ka qenë i dënuar me 2 emra të tjerë dhe ka fshehur të dhënat në formularët e dekriminalizimit. Nuk mund të jetë deputet. Pyetja mbetet: si u zgjodh kandidat për deputet??? Cili mekanizmi që promovon kandidatë “me probleme” në partitë e mëdha (në këtë rast, në PS)? Kush mban përgjegjësi dhe përse mekanizmi i verifikimit nuk ka funksionuar në rastet kur personi është emëruar disa herë drejtor, pra funksionar i lartë në poste publike?”, thuhet në njoftimin e Institutit të Studimeve Politike.

POSTIMI I PLOTË:

artan bitri ergi bitri kqz isp