Sport

Vdekja e Mbretëreshës/ Shtyhet një ndeshje e Champions League në Skoci…

UEFA ka njoftuar sot se ndeshja midis Rangers dhe Napoli, nuk do të zhvillohet të martën më 13 shtator, por të mërkurën më 14 shtator në orën 21:00.

11 Shtator 2022, 16:43 Nga DOSJA

Vdekja e Mbretëreshës/ Shtyhet një ndeshje e Champions League

ANGLI - Ajo që përflitej ndodhi. Sfida mes skuadrës skoceze të Rangers dhe Napolit, ndeshja e dytë në grupin A të Champions League, e cila ishte planifikuar për t’u luajtur në ‘Ibrox Stadium’ të Glasgowt, është shtyrë me 24 orë, për shkak të vdekjes së Mbretëreshës Elizabeth II. Pra ndeshja e parashikuar për ditën e martë më 13 qershor, do të luhet të mërkurën më 14.

Lajmin e kanë bërë të ditur vetë zyrtarët e UEFA-s në një postim në faqen zyrtare të tyre. “UEFA njoftoi sot se ndeshja e UEFA Champions League midis Rangers FC dhe SSC Napoli, e planifikuar fillimisht për të martën më 13 shtator, është riplanifikuar për të mërkurën më 14 shtator në orën 21:00.

Kjo është për shkak të kufizimeve në burimet e policisë dhe çështjet organizative në lidhje me ngjarjet e vazhdueshme rreth zisë kombëtare për Madhërinë e Saj Mbretëresha Elizabeth II”, thekson UEFA.

B.T (Dosja.al)

Sondazh

Poll

MË SHUMË