Politike

“Ooo, hajde"/ Dikur e puthte në ballë, sot Rama paralajmëron Salillarin: S'ia hidhni dot me ryshfete kur përdorni emrin tim

Por sot i ka dhënë një tjetër mesazh. Duke i ndarë vetë pamjet në rrjetet e tij sociale, kryeministri Edi Rama ka shkruar edhe disa rreshta. Ai ka kërkuar që aksioni i ndërmarrë sot të jetë një mësim i mirë për të gjithë ata që duan të shkelin ligjet duke korruptuar zyrtarët e lartë të vendit. 

9 Shtator 2022, 14:35 Nga k.m.
“Ooo, hajde"/ Dikur e puthte në ballë, sot Rama
Edi Rama dhe Pëllumb Salillari

TIRANË- Kryeministri Edi Rama ka bërë shumë gjera për spektakël, madje edhe ka puthur në ballë biznesmenët. ‘Fatlumi’ në këtë rast është biznesmeni, Pëllumb Salillari. Disa vite më parë, në një vizitë pranë familjes Belegu në Petrelë, kryeministri inaguroi banesën e re të një familjeje, i shoqëruar edhe nga biznesmeni Pëllumb Salillari, i cili ishte pikërisht personi që kishte ndërtuar shtëpinë, Rama nuk i kurseu falenderimet haptazi. Madje këtë radhë, pa përdorur fare fjalët, kryeministri i dha dorën Salillarit, teksa po uleshin në banesën e re dhe e puthi në ballë.

“Ooo, ku je more,”- tha Rama dhe u afrua e puthi.

Por sot i ka dhënë një tjetër mesazh. Duke i ndarë vetë pamjet në rrjetet e tij sociale, kryeministri Edi Rama ka shkruar edhe disa rreshta. Ai ka kërkuar që aksioni i ndërmarrë sot të jetë një mësim i mirë për të gjithë ata që duan të shkelin ligjet duke korruptuar zyrtarët e lartë të vendit. 

"Por ky operacion duhet të jetë edhe një mësim i mirë qoftë për ata që kujtojnë shumë gabimisht se mund t'ia hedhin me rryshfete e me marifete, qoftë edhe për ata që përbaltin papushim emrin tim apo punën e qeverisë dhe bashkisë, duke më asociuar poshtërsisht me fitime imagjinare nga ndërtimet në Tiranë a kudoqoftë,"-shkruan Rama. 

POSTIMI I PLOTË:

OPERACIONI I KONFISKIMIT të kateve e të metrave shtesë të ndërtuara në shkelje të ligjit e të lejes së ndërtimit, nuk është aspak kujtesë me vonesë siç thonë disa, po është thellim i një lufte që vazhdon prej vitesh me paligjshmërinë në ndërtim, e cila s'ka të krahasuar sot me përmasën e frikshme që kishte dje, kur s'kishte pallat që mos kishte shtesa e prapashtesa të bëra për qëllim fitimi. Ky operacion do të ketë forcën e një vule përfundimtare mbi fatin e çdo metri katror të ndërtuar në shkelje të ligjit për shitje e fitime përtej kufirit të lejuar nga ligji. Por ky operacion duhet të jetë edhe një mësim i mirë qoftë për ata që kujtojnë shumë gabimisht se mund t'ia hedhin me rryshfete e me marifete, qoftë edhe për ata që përbaltin papushim emrin tim apo punën e qeverisë dhe bashkisë, duke më asociuar poshtërsisht me fitime imagjinare nga ndërtimet në Tiranë a kudoqoftë

 “Salillari shpk” është vënë nën kritika të ashpra nga opozita për shkak të projektit të ‘Unazës së Re’ në Tiranë, pasi u shpall një nga tre kompanitë fituese për ndërtimin e 2.2 kilometra rrugë (nga pallati me “Shigjeta” në Tiranë deri te sheshi “Shqiponja”), në vlerën 40 milionë euro. Kritikat u fokusuan mbi kompaninë ‘Salillari’, sidomos nga opozita duke e akuzuar biznesmenin për lidhje të ngushta me qeverinë e Edi Ramës dhe duke e cilësuar si njeriu që bën ‘bamirësitë’ e kryeministrit. Por sot, për arsye që nuk dihen Rama ka vendosur ta ndëshkojë.

edi rama pëllumb salillari konfiskimi i kullave

Sondazh

Poll

MË SHUMË