Aktualitet

Thoma Konomi vdiq 10 ditë pasi u arrestua, vëllai: E dhunoi Policia. (Kartela e vdekjes)

Thoma Konomi ndërroi jetë, ndërkohë që edhe shkaqet e vdekjes janë ende mistër.  I vëllai, Adi Konomi pretendon se 57-vjeçari ka shkuar në vendlindje në fshatin Zhej të Zagorisë në gjendje të rëndë shëndetësore është shoqëruar nga bashkëfshatarët në spitalin e  Gjirokastrës.

6 Shtator 2022, 13:29 Nga k.m.

Thoma Konomi vdiq 10 ditë pasi u arrestua, vëllai: E dhunoi Policia.

GJIROKASËR- Disa ditë më parë u raprtua për vdekjen e një 57-vjeçari që u kap nga Policia e Shtetit teksa tentonte të kalonte kufirin e gjelbër në Gjirokastër. Pak ditë pas kapjes, Thoma Konomi ndërroi jetë, ndërkohë që edhe shkaqet e vdekjes janë ende mistër.  I vëllai, Adi Konomi pretendon se 57-vjeçari ka shkuar në vendlindje në fshatin Zhej të Zagorisë në gjendje të rëndë shëndetësore është shoqëruar nga bashkëfshatarët në spitalin e  Gjirokastrës. Për shkak të gjendjes së rëndë shëndetësore, është dërguar në Sanatoriumin e Tiranës, ku dhe ka ndërruar jetë më 31 gusht.  

Ndër të tjera, vëllai i tij, Adi Konomi tha në një prononcim për mediat se do të ndjekë këtë çështje ligjërisht, duke paditur policinë e Gjirokastrës. 

"Nga momenti që e kanë kapur këtu policët e kufirit, e kanë qëlluar me shqelm. Në motor ka pasur vetëm plaçkat, e kanë qëlluar pas shpine dhe ka rënë me gjithë motor. Ai nuk është hedhur vetë nga motori, sicc prtendojnë ata se ishte motor i vjetër, mund ta shihni në polici se në çfarë gjendje është motori. E kanë dhunuar, në bazë të dhënave që vëllai kishte thënë tek shtëpia në fshat. Ata dy policë pse e kanë dhunuar në mënyrë të tmerrshme, nëse kishte bërë gabim duhej të dënohej? Kam letrën se e kanë dënuar me 100 mije lek gjobë. E rrahët e gjakosët pse nuk e çuat në spital ta shpëtonit? Ju vëllanë tim nuk e shpëtuat se kishit frike se do dënoheshit? E mbajtën 5 ditë në komisariat dhe kur ishte në gjendje të rëndë e liruan. Policia e ka hedhur si kafshë atje në fshat. Nuk ishte në gjendje të fliste kanë thënë bashkëfshatarët. Ditën e premte e kanë çuar në gjendje të rëndë në spital. E kishin dëmtuar shumë, në bazë të autopsisë vdiq për shkak të çarjes së zorrëve,”- tha i vëllai. 

Ndërkohë që Report Tv ka siguruar kartelën e vdekjes, në të cilën mjekësia ligjore ka deklaruar se shkak i vdekjes është inflamacioni në zorrë. Aty thuhet se nuk ka të dhëna për hematoma apo plagë të jashtme që mund të kenë sjellë vdekjen.

Thoma Konomi vdiq 10 ditë pasi u arrestua, vëllai: E dhunoi Policia.

Por duke qenë se kanë dyshime lidhur me fatin e Konimit, bashkëfshatërve të tij i kanë dërguar një letër ministrit të Brendshëm, Bledi Çuçi dhe strukturave. Kështu që Agjencia e Mbikqyrjes Policore ka nisur hetimet lidhur me rastin. Ndërkohë që trupi i pajetë i tij ndodhet ende në morg ndërsa familjarët ende nuk e kanë tërhequr.

Viktima, Thoma Konomi është vëllai i Franc Konomit, i cili është vrarë në atentat mafioz në Tiranë në 2010. Franc Konomi ka qenë personazh i botës së krimit, një prej të "fortëve" të Tiranës në vitet 1990-2000, por u ekzekutua nga 2 persona me motora që i zunë pritë vetëm 3 ditë kur sapo ishte kthyer nga Gjermania. 

thoma konomi

Sondazh

Poll

MË SHUMË