Sport

“Kërcënimet për Pogba”, vepër kriminale! Reagimi i avokatëve: “Nuk janë surprizë, por tentativa për zhvatje të një bande ndaj Paul”

Të shtunën, Mathias Pogba kishte premtuar të bënte zbulime për vëllain e tij, Paul, për avokaten e këtij të fundit, Rafaela Pimenta, madje edhe për Kylian Mbappé. Përfaqësuesit e francezit të Juventusit, kanë reaguar përmes një komunikate për shtyp.

28 Gusht 2022, 15:34 Nga DOSJA
“Kërcënimet për Pogba”, vepër kriminale! Reagimi
Paul dhe Mathias Pogba, gjatë Kupës së Botës 2018

FRANCE - Mathias Pogba, i cili premtoi zbulime në rrjetet sociale për vëllain e tij, Paul, për avokaten e këtij të fundit, Rafaela Pimenta, madje edhe për Kylian Mbappe, ngjalli një reagim të menjëhershëm nga përfaqësuesit e futbollistit të kombëtares franceze te Juventusi.

Në një deklaratë për shtyp, avokatët e Paul Pogba, Yeo Moriba (nëna e Paul dhe Mathias Pogba) dhe Rafaela Pimenta, shprehen se: “Deklaratat e fundit të Mathias Pogba në rrjetet sociale, për fat të keq nuk janë surprizë. Ato përveç kërcënimeve, janë edhe tentativa për zhvatje të një bande të organizuar kundër Paul Pogba. 

Autoritetet kompetente në Itali dhe Francë i sekuestruan një muaj më parë ato dhe kanë nisur hetimet. Nuk do të ketë komente të mëtejshme në lidhje me hetimin e çështjes në vazhdim,”- mbyllet deklarata e përbashkët e avokatëve të futbollistit dhe nënës së Pogbas.

B.T (Dosja.al) 

Sondazh

Poll

MË SHUMË