Sport

Shënoi golin e parë në Premier League, më pas shpërthen në lot gjatë intervistës! Talenti i Liverpool bën dedikimin prekës (video)

Më në fund Liverpool arriti ta bëjë Liverpoolin. Ekipi drejtuar nga Jurgen Klopp fitoi 9-0 ndaj Bournemouth. Në këtë rezultat dha kontribut edhe talenti i ri Harvey Elliott, një 19-vjeçar që u promovua nga Jurgen Klopp.

28 Gusht 2022, 12:55 Nga DOSJA

Shënoi golin e parë në Premier League, më pas shpërthen

ANGLI- Më në fund Liverpool arriti ta bëjë Liverpoolin. Ekipi drejtuar nga Jurgen Klopp fitoi 9-0 ndaj Bournemouth. Në këtë rezultat dha kontribut edhe talenti i ri Harvey Elliott, një 19-vjeçar që u promovua nga Jurgen Klopp. Elliott luajti në mesfushë me tre lojtarë së bashku me Jordan Henderson dhe Fabinho.Për talentin e ri lindur në Londër, erdhi prezenca e katërt (nga katër ndeshjet e Premier League) dhe më në fund edhe goli i parë.

Pasi shënoi, mesfushori anglez brohoriti me gëzim të papërmbajtshëm, duke ngritur dorën drejt qiellit përpara se të përshëndeste tifozët në tribuna. Një lumturi e papërmbajtshme e kalitur me një vështrim intensiv drejt qiellit, një element që vetë Elliott donte ta shpjegonte pas ndeshjes, duke zbuluar me lot se kujt i drejtohej ajo përshëndetje emocionuese.

 
 
 
 
 
View this post on Instagram
 
 
 
 
 
 
 
 
 
 
 

A post shared by ◉ ʜᴀʀᴠᴇʏ ᴇʟʟɪᴏᴛᴛ ◉ (@harvelliottt)

“Po, është e drejtë”, tha ai për kanalin televiziv zyrtar të Liverpool-it. “Gjyshja ime vdiq disa ditë më parë dhe ky gol ishte për të”. Elliott nuk mundi të vazhdonte, i pushtuar nga emocionet dhe më pas filloi të qante, duke vënë dorën në sy, përpara se të vazhdonte intervistën. "Duhej të dilnim nga kriza e rezultateve dhe të ktheheshim në fitore" vazhdoi Elliott, ende i emocionuar me lot në sy. "Tani vjen pjesa e vështirë, sepse ne duhet të shkojmë përpara dhe të përdorim suksesin si motiv, jo të emocionohemi. Duhet të fillojmë të bëjmë ndeshje të tjera si kjo". Përfundoi talenti i Liverpool.

E.Ç (Dosja.al)

elliot liverpool

Sondazh

Poll

MË SHUMË