Sport

VIDEO/ Goli i spektakolar i Pablo Perezit, në garë për të konkurruar për çmimin ‘Puskas’…

Mesfushori 37-vjeçar nga Newell`s me golin që ka shënuar ka lënë të habitur gjysmën e Amerikës së Jugut.

28 Gusht 2022, 12:28 Nga DOSJA

VIDEO/ Goli i spektakolar i Pablo Perezit, në garë për të

ARGJENTINE - Liga e Argjentinës, për pasionin e treguar nga tifozët e saj, për lojën e saj të vështirë dhe intensive ku asgjë nuk jepet për humbjen, është gjithmonë një kompeticion i veçantë. Dëshmi për këtë është goli i spektakolar i shënuar nga Pablo Pérez, në humbjen e Newell's Old Boys kundër Godoy Cruz.

Tomás Jacob kontrolloi një top dhe pasoi një kros në buzë të zonës. Pablo Pérez e pa topin të mbërrinte dhe, pa e lënë atë të bjerë në tokë, ai goditi atë në ajër. Mesfushori argjentinas e drejtoi topin për në portë, i cili mori një trajektore të çuditshme, duke përfunduar drejtë dhe në trekëndësh. Ishte e pamundur që portieri Diego Matías Rodríguez ta ndalonte atë, pavarësisht shtrirjes së tij të mirë.

Martín Ojeda, një nga lojtarët në modë në futbollin argjentinas, ka kaluar Godoy Cruz menjëherë në epërsi pas fillimit të lojës, në minutën e tretë. Pa dhënë kohë për shumë më tepër, në minutën e 10-të, Pablo Pérez u dha shpresë të tijve me golin mahnitës. Megjithatë gëzimi i vendasve nuk do të zgjaste shumë, pasi në minutën e 19-të do të përjashtohej Guillermo Balzi. Ekipi mik vuajti deri në minutën e 74-të, kur Matías Ramírez shënoi duke kaluar Godoy Cruz në epërsi 2-1, që ishte goli i fundit dhe i fitores së ndeshjes.

B.T (Dosja.al)

Sondazh

Poll

MË SHUMË