Sport

Probleme me zemrën, Caroline Hansen i thotë Norvegjisë: 'Shihemi së shpejti!'...

Sulmuesja e Barcelonës do të marrë një pushim të përkohshëm nga kombëtarja e vendit të saj, për shkak të një aritmie që është konstatuar nga mjekët

24 Gusht 2022, 15:29 Nga DOSJA

Probleme me zemrën, Caroline Hansen i thotë Norvegjisë:

NORVEGJI- Pas një deklarate të publikuar në rrjetet e saj sociale, Caroline Graham Hasen ka bërë të ditur vendimin e saj për të mos e përfaqësuar vendin e saj për një kohë.

Sulmuesja ka përfaqësuar vendin e saj që në moshën 16-vjeçare dhe është bërë një nga kapitenet e saj. Siç është shprehur ajo, arsyet që e kanë shtyrë të thotë ‘Shihemi së shpejti’ kanë qenë, sepse ka vendosur të dëgjojë trupin e tij. Futbollistja prej një viti ka probleme me zemrën dhe pas gati 50 ndeshjesh, vazhdon të ndihet e lodhur, ndaj ka vendosur të ndalojë.

"Kombëtarja ka qenë pjesë e jetës sime që në moshën 16-vjeçare. Ajo për të cilën jam më shumë krenare në karrierën time, është fakti që kam përfaqësuar vendin tim. Dashuria për kombëtaren do të mbetet gjithmonë, edhe tani kur marr një pushim. Pas një viti me probleme me zemrën dhe gati 50 beteja, ndiej ende një lodhje, që më bën të dëgjoj trupin tim. Kam nevojë të pushoj, sado e vështirë të jetë kjo tani. Shpresoj të mos jetë një 'faleminderit për gjithçka, "por një "shihemi më vonë".

Këto probleme tashmë e mbajtën atë larg nga fusha, pasi sezonin e kaluar për disa javë ajo pati një aritmie shqetësuese. Gjithçka dukej se po shkonte për mirë për lojtaren norvegjeze, por ky pushim, siç thotë ajo, do të jetë për të marrë forca dhe për t'u rikthyer së shpejti për të përfaqësuar vendin e saj.

Probleme me zemrën, Caroline Hansen i thotë Norvegjisë:

B.T (Dosja.al)

 

Sondazh

Poll

MË SHUMË