Sport

Momenti më i sikletshëm në karrierën e Cristiano Ronaldos, trajneri Ten Hag i dha portugezit një leksion…

Kur trajneri i Manchester United Erik ten Hag iu drejtua dhe i tha të bëhej gati sepse ishte radha e tij, Cristiano Ronaldo hoqi kostumin dhe u nis për në fushë.

24 Gusht 2022, 13:36 Nga DOSJA

Momenti më i sikletshëm në karrierën e Cristiano Ronaldos,

ANGLI- Kur trajneri i Manchester United Erik ten Hag iu drejtua dhe i tha të bëhej gati sepse ishte radha e tij, Cristiano Ronaldo hoqi kostumin dhe u nis për në fushë. CR7 kishte mbetur jashtë formacionit dhe hyri vetëm në minutën e 85’ në takimin ndaj Liverpool. Pesë, gjashtë minuta ... ai doli në fushë si çdo futbollist tjetër. Ai që në karrierën e tij është mësuar të jetë i padiskutueshëm. Ai që në Torino, pasi mori aq keq zëvendësimin në minutën 10’ të shtesës nga Maurizio Sarri, hoqi dorë nga gjithçka dhe u largua nga stadiumi pa pritur as fundin e ndeshjes së Juventusit.

Manchester United bëri një paraqitje bindëse dhe arriti një rezultat prestigjioz pa portugezin apo kapitenin Maguirre. Mesazhi që donte të niste trajneri i ri ishte shumë i qartë: nuk më intereson çfarë ke bërë në të kaluarën, duhet të fitosh të ardhmen metër për metër, duke luftuar dhe djersitur si të tjerët, luan kush është në formë dhe ofron garanci, e vetmja hierarki që ekziston në dhomat e zhveshjes është e imja.  Kjo është arsyeja pse, për të dhënë një shembull të mirë në paraqitjen e tij si jofleksibël, vetë Ten Hag, pas humbjes së turpshme kundër Brentford, e ndëshkoi ekipin duke urdhëruar që skuadrës ti hiqej dita e pushimit.

"Kemi luajtur shumë keq. Ky nuk mund të jetë niveli ynë i performancës," tha ai me ndershmëri të madhe pas asaj goditjeje. Ai i dërgoi të gjithë të vrapojnë për rreth 15 kilometra dhe ishte me ta duke transmetuar një mësim të thjeshtë dhe të qartë: edhe unë jam përgjegjës si ju.Cili ishte efekti pa e ngritur zërin? Një statistikë e dëshmon këtë: kundër Liverpool, ‘Djajtë e Kuq’ kanë bërë më shumë kilometra se sa me Brenford. Ata vrapuan më shumë dhe dhanë gjithçka, madje bënë një numër më të madh goditjesh. Dhe nuk kishte as Ronaldo e as mbrojtësi që erdhën në Old Trafford për një shumë të çmendur (87 milionë euro).

Sa për CR7, i cili e kaloi pjesën më të madhe të verës duke kërkuar arsye për t'u larguar, tani përfundoi në një rrugë të vështirë: ai ka ende një vit në kontratë dhe nëse portugezi nuk largohet, i vetëm me pesë ‘Topat e Artë’ lojtari do të ndihej i burgosur dhe i një epilogu që nuk ishte ai që shpresonte.

E.Ç (Dosja.al)

ronaldo ten hag

Sondazh

Poll

MË SHUMË