Sport

Ndeshja e parë e sezonit, Kukësi dhe Tirana argëtohen me gola, por ndeshja nuk ka fitues

Nuk ka fitues në takimin Kukësi-Tirana. Ndeshja e parë hapëse e sezonit të Kategorisë Superiore ka përfunduar me shifrat 1-1.

19 Gusht 2022, 19:13 Nga DOSJA

Ndeshja e parë e sezonit, Kukësi dhe Tirana argëtohen me gola,

KUKËS- Nuk ka fitues në takimin Kukësi-Tirana. Ndeshja e parë hapëse e sezonit të Kategorisë Superiore ka përfunduar me shifrat 1-1. Një ndeshje me ritëm e gola, që për mënyrën sesi u luajt u duk i drejtë. Ndeshja do të niste mirë për skuadrën e Kukësit që vetëm në minutën e 3' do të shënonte golin e avantazhit me anë të Dacit.

Tirana u mundua në pjesën e parë, por si Seferi ashtu edhe Xhixha nuk u treguan të saktë. Megjithatë në pjesën e dytë, do të ishte ky i fundit që do të shënonte në minutën e 56'. Kampionët e Shqipërisë kishin mundësinë më të mirë për të gjetur fitoren, kur Daci në minutën e 71' bëri një gjest antisportiv me arbitrin Jorgji që e ndëshkoi me karton të kuq.

Megjithatë rezultati nuk do të ndryshonte, me dy skuadrat që marrin nga një pikë në premierën e parë të kampionatit.

E.Ç (Dosja.al)

tirana kukesi

Sondazh

Poll

MË SHUMË