Sport

Evertoni i Lampard, presion për talentin e kombëtares shqiptare Armando Broja, por Chelsea nuk dorëzohet…

Negociatat kanë ngecur, sepse siç raporton CBS Sports, blutë janë të gatshëm ta japin lojtarin vetëm në formë huazimi, nga që nuk duan ta privojnë veten në të ardhmen nga cilësitë e sulmuesit 20-vjeçar.

15 Gusht 2022, 15:02 Nga DOSJA

Evertoni i Lampard, presion për talentin e kombëtares shqiptare

ANGLI - Presioni i Evertonit, që stërvitet nga i njohuri Frank Lampard, vazhdon për Armando Brojën, sulmuesin e talentuar shqiptar në pronësi të Chelseas. Megjithatë, negociatat kanë ngecur, sepse siç raporton CBS Sports, blutë janë të gatshëm ta japin lojtarin shqiptar vetëm në formë huazimi, nga që nuk duan ta privojnë veten në të ardhmen nga cilësitë e sulmuesit 20-vjeçar.

Edhe në takimin e së dielës, derbin e parë të Londrës ndaj Tottenham (2-2), trajneri gjerman Tuchel gjeti hapësirë për ta aktivizuar Brojën në 7 minutat e fundit të takimit, duke zëvendësuar gjermanin Kai Haverzt. Sezonin e kaluar, sulmuesi shqiptar luajti si i huazuar në radhët e Sauthemptonit, ku la mbresa, si një lojtar me një të ardhme të sigurtë.

B.T (Dosja.al)

Sondazh

Poll