Sport

Maroku ndërpret kontratën me trajnerin e kombëtares. Shkak “divergjencat” në përgatitjen e skuadrës për Botërorin...

Boshnjaku Vahid Halilhodzic ka ndërprerë me mirëkuptim bashkëpunimin si trajneri i Marokut, detyrë të cilën e kryente thuajse prej tri vitesh

11 Gusht 2022, 16:11 Nga DOSJA

Maroku ndërpret kontratën me trajnerin e kombëtares. Shkak

MAROK - Federata Mbretërore e Futbollit Maroken (FRMF) njoftoi këtë të enjte se ka ndërprerë kontratën me trajnerin e kombëtares marokene, Vahid Halilhodzic (i punësuar në gusht 2019) me marrëveshje reciproke, për shkak të “divergjencave” në mënyrën e përgatitjes së skuadrës për Kupën e Botës Katar 2022.

"Për shkak të një divergjence në pikëpamjet midis FRMF dhe trajnerit, për përgatitjen e duhur të ‘Luanëve të Atlasit’ për fazën përfundimtare të Kupës së Botës Katar 2022, të dy palët ranë dakord të ndahen miqësisht,"- shkruan federata marokene në një deklaratë.

“Federata falënderon trajnerin boshnjak për punën e tij në ekipin e vendit të Magrebit, veçanërisht për kualifikimin e tij në Botërorin e Katarit, falë një skuadre që ka lojtarë të rinj, të talentuar dhe premtues”, nënvizohet në shënim, ku shtohet se “ajo do të mobilizohet të gjitha mjetet” për të garantuar një “përgatitje të mirë” të kombëtares për eventin e futbollit.

Tifozët marokenë kanë bërë thirrje vazhdimisht në rrjetet sociale për shkarkimin e trajnerit boshnjak (70 vjeç), të cilin e fajësojnë për vendimin e futbollistit të Chelseas, Hakim Ziyach për t'u dorëhequr nga kombëtarja e Marokut për shkak të përplasjeve të tij me Halilhodzic.

Maroku ndërpret kontratën me trajnerin e kombëtares. Shkak

B.T (Dosja.al)

Sondazh

Poll