Sport

FORMULA 1/ Kampioni Hamilton tregon pse refuzoi propozimin e Tom Cruise për të marrë pjesë në filmin ‘Top Gun’

Kampioni britanik mësoi se filmi do të xhirohej gjatë pjesës më të madhe të sezonit të Formula 1 . Dhe ai nuk mund të përballonte humbjen qoftë edhe të një gare të vetme.

11 Gusht 2022, 12:44 Nga DOSJA

FORMULA 1/ Kampioni Hamilton tregon pse refuzoi propozimin e Tom Cruise për

SHBA - Lewis Hamilton dhe Tom Cruise janë miq. Është diçka që vetë piloti e ka treguar vetëm pak ditë më pare, në një intervistë të publikuar nga ‘Vanity Fair’ ku ka rrëfyer të gjitha llojet e eksperiencave që i është dashur të kalojë në ditëlindjen e tij të 37-të.

Është kurioze të mësosh se ai ishte gati të bëhej edhe aktor. Cruise i ofroi atij një rol në serine e dytë të filmit ‘Top Gun: Maverick’, diçka që e emocionoi shumë Hamiltonin, i cili do ta kishte pranuar me kënaqësi propozimin. Arsyeja? Ai e pa për herë të parë 'Top Gun' kur ishte shumë i vogël dhe donte të shijonte se si ishte të jesh pilot luftarak. 

"Kështu që kur dëgjova se po përgatitej seria e dytë, unë thashë: "O Zot, duhet ta pyes atë",- tregon Hamilton, të cilin nuk kishte rëndësi roli. Cruise pranoi, për më tepër, ai i bëri edhe një propozim. Dukej se gjithçka ishte gati për të dhënë 'Po'. Por, nëse të dy ishin kaq të emocionuar, pse marrëveshja nuk u realizua kurrë?

Hamilton mësoi se filmi do të xhirohej gjatë pjesës më të madhe të sezonit të Formula 1 . Dhe ai nuk mund të përballonte humbjen qoftë edhe të një gare të vetme. Kështu që ai duhej t'i thoshte ‘Jo’ asaj ëndërre edhe pse ai ishte vërtet një adhurues i filmit. Hamilton e rezultoi ftesën e Cruisit në telefon. “Ishte telefonata më e bezdisshme që kam pasur ndonjëherë ",- thotë Hamilton.

B.T (Dosja.al)

Sondazh

Poll

MË SHUMË