Sport

Depay gjithnjë e më larg Barcelonës, Spurs hyn në garë dhe ‘tremb’ Juventusin

Sipas asaj që theksojnë nga Italia, skuadra angleze ka ndërhyrë në planet e 'Zonjës së Vjetër’ për të siguruar shërbimet e holandezit.

11 Gusht 2022, 12:19 Nga DOSJA
Depay gjithnjë e më larg Barcelonës, Spurs hyn në garë

ANGLI - E ardhmja e Memphis Depay është një largim i sigurtë nga Barcelona duke marrë parasysh listën e gjatë të sulmuesve që shfaqen në skuadrën katalanase dhe interesin e klubeve të mëdha në Europë për nënshkrimin e tij. 

Juventusi, një nga ata që dukej se ishte më afër marrëveshjes me lojtarin, pas një kontakti mes palëve që ndodhi këto ditë, ka parë sesi është shfaqur sërish në garë një protagonist i vjetër në histori. Kështu raportojnë në Itali. ‘La Gazzetta dello Sport’ siguron se  Tottenham ka ndërhyrë në fazën përfundimtare të negociatave mes Memphis dhe Juventusit. 

Kujtojmë se pak javë më parë u publikua në Angli, se ‘Spurs’ ishin të gatshëm të paguanin një shifër prej 20 milionë eurosh për sulmuesin holandez. Shifrat që përputhen më mirë me realitetin e operacionit janë dukshëm më të ulëta dhe ‘La Gazzetta’ madje thekson se Barcelona do të kishte pranuar edhe një shumë afër zeros për të lehtësuar masën e pagave në garën e saj për të regjistruar nënshkrime të reja. 

Marrëveshja mes Memphis dhe Juventusit dukej gati e përfunduar, por media italiane bën me dije se këtë të enjte, ata do të takohen sërish për të vlerësuar shfaqjen e agjentëve të tjerë të jashtëm dhe për të gjetur dritën jeshile përfundimtare. 

B.T (Dosja.al)

Sondazh

Poll

MË SHUMË