Politike

Do të jeni kandidat për bashkinë e kryeqytetit? Meta: Tirana mbetet prioritet. I përgjigjet Veliaj

Përgjigjia i erdhi nga vetë Veliaj, i cili nuk e kurseu ironinë, duke nxjerrë dhe një foto të Tiranës, në kohën kur Meta ishte kryeministër i vendit.

11 Gusht 2022, 13:25 Nga k.m.
Do të jeni kandidat për bashkinë e kryeqytetit? Meta: Tirana
Ilir Meta dhe Erion Veliaj

TIRANË- Përplasje në distancë mes kryebashkiakut të Tiranës, Erion Veliaj dhe kreut të Partisë së Lirisë, Ilir Metës. Ishte Meta, ai që e nisi përplasjen që në mëngjes, pasi postoi një fotot të vjetër të Tiranës, pa smog. Përgjigjia i erdhi nga vetë Veliaj, i cili nuk e kurseu ironinë, duke nxjerrë dhe një foto të Tiranës, në kohën kur Meta ishte kryeministër i vendit.

PËRPLASJA NË DISTANCË:

Meta: Koha për t’u zgjuar që Tirana të çlirohet dhe të marrë frymë përsëri!

Erion Veliaj: Të kesh nostalgji për Tiranën, kur ishte qyteti i fuksave të sigurimit, është e drejta jote. Por siç të mirëpriti ty, ka mirëpritur dhe 1 milionë të tjerë! p.s. Foto e Tiranës 1999 kur ishe KM me Sharrën tym e flakë e gëlqeret e Krujës si vello. S’ke asnjë ndërtesë 2021 në foto!

Meta: Tirana është prioritet për mua se ndjej detyrime për këtë tragjedi që i ka ndodh qytetit tonë… Vërtetë humbëm 10 vjet por ndëshkimi do jetë i tillë që për 100 vite askush s’mund të luaj me interesin publik. Se çfarë nxjerr ndonjë nga këto qentë e Tiranës që janë të pavaksinuar, të jetë gati nëse do ekzistojë sërish Autoriteti i Manipulimit të Dosjeve që të fillojë punë zëdhënës atje se Tirana mezi po pret ta hedhë te Lana tiraninë.

Prej kohësh, aludohet se Meta, në zgjedhjet e ardhshme lokale që do të mbahen pranverën që vjen do të garojë përballë Veliajt për kryetar të Bashkisë së Tiranës. Por vetë Meta nuk e ka konfirmuar, por as mohuar diçka të tillë.

ilir meta erion veliaj

Sondazh

Poll

MË SHUMË