Aktualitet

Vrau partneren në Elbasan/ Lihet në burg autori, avokati kërkon analizën e gjendjes mendore

Elbasani u trondit dy ditë më parë nga vrasja e ndodhur, ku Ramiz Mici i mori jetën bashkëjetueses për shkaqe xhelozie

2 Gusht 2022, 12:13 Nga A.B
Vrau partneren në Elbasan/ Lihet në burg autori, avokati kërkon
Ramiz Mici

ELBASAN- Gjykata e Elbasanit ka dhënë ditën e sotme masën e sigurisë arrest me burg për Ramiz Micin, pasi vrau dy ditë më parë bashkëjetuesen e tij. Avokati i caktuar nga shteti kërkoi analizimin e gjendjes se tij mendore mirëpo kërkesa u refuzua nga gjykatësja Pajtime Fetahu dhe prokuror Xheljan Seferi.

Elbasani u trondit dy ditë më parë nga vrasja e ndodhur, ku Ramiz Mici i mori jetën bashkëjetueses për shkaqe xhelozie. Ata jetonin në lagjen “Skënderbej” prej 4 muajsh në një banesë me qira. 37-vjeçarja ishte e divorcuar dhe kishte dy fëmijë nga martesa e parë. Edhe autori i vrasjet ishte i divorcuar dhe kishte dy fëmijë nga martesa e mëparshme.

Para pesë ditësh, kishte ndodhur një sherr mes tyre dhe 37-vjeçari e kishte dhunuar bashkëjetuesen. Viktima kishte kërkuar ndihmë në polici dhe ishte pajisur me urdhër-mbrojtje.  Prej asaj dite, ata jetonin në të njëjtën shtëpi por me dhoma të ndara.

Ditën e vrasjes, 37-vjeçarja do të ikte nga banesa pasi kishte gjetur shtëpi tjetër, edhe pse nuk mundi dot të largohej.

ramiz mici

Sondazh

Poll

MË SHUMË