Sport

Mourinho fërkon duart, Wijnaldum gati për t’u larguar, i thotë ‘Po” Romës

Mesfushori holandez është një hap larg bashkimit me skuadrën e José Mourinhos, megjithëse PSG dhe Roma do të duhet të negociojnë fillimisht për transferimin.

29 Korrik 2022, 07:03 Nga DOSJA

Mourinho fërkon duart, Wijnaldum gati për t’u larguar, i

ITALI - Roma e José Mourinhos është shumë pranë festimit të një transferimi të ri. Pas mbylljes së nënshkrimit të Paulo Dybala, klubi italian po punon shumë që Georginio Wijnaldum (31 vjeç) sezonin e ardhshëm të vishet si 'verdhekuq'. 

Sipas shtypit italian, skuadra romake tashmë ka marrë një 'Po' nga mesfushorit holandez, i cili do të largohej nga PSG vetëm një vit pas ardhjes së tij. 'Gini' ka jetuar një sezon fatal nën urdhrat e Mauricio Pochettino, pasi ai nuk ishte në llogaritë e argjentinasit.

Pavarësisht ardhjes së Galtier, roli i tij nuk ka ndryshuar te PSG, ndaj ai po kërkon një rrugëdalje për të gjetur një klub, ku mund të luajë rregullisht që të thirret nga Louis van Gaal për Kupën e Botës në Katar.

Megjithatë, transferimi i futbollistit mbetet ende për t'u diskutuar. Roma synon një transferim, duke paguar gjysmën e pagës së Wijnaldum, rreth 9 milionë euro, por PSG dëshiron që klubi romak të paguajë një transferim të lidhur me objektiva, siç është kualifikimi për të luajtur në Champions League.

Sido që të jetë, ardhja e Wijnaldum do të forconte më tej një Romë të rritur nga zbarkimi i Dybala. Argjentinasi ka revolucionarizuar klubin kryeqytetas, i cili shënon nivele më të larta nëse arrin të marrë edhe holandezin. 

B.T (Dosja.al)

Sondazh

Poll

MË SHUMË