Sport

Strategjitë e gabuara sjellin dështimin në Europë, Tirana nuk di të fitojë, Zrinjski eleminon bardheblutë në Conf.League

Tirana përshëndet Europën që në raundin e dytë, e mundur në të dy ndeshjet nga kundërshtari boshnjak Zrinjski.

28 Korrik 2022, 22:52 Nga DOSJA

Strategjitë e gabuara sjellin dështimin në Europë, Tirana

BOSNJE- Tirana përshëndet Europën që në raundin e dytë, e mundur në të dy ndeshjet nga kundërshtari boshnjak Zrinjski. Pas humbjes 0-1 në Tiranë, këtë herë bardheblutë munden në transfertë me shifrat 3-2. 45 minutat e para do të nisnin shumë keq për Tiranën të cilët pësuan dy gola të shpejtë me Jankovic në minutën e 25' dhe Ticinovic dhjetë minuta më vonë.

Në pjesën e dytë, Orges Shehi do i ketë shkundur lojtarët e tij sepse Tirana nis të luajë. Në minutën e 51' Ismajlgeci gjen rrugën e rrjetës. Kapiteni i bardhebluve nuk fal brenda zonës pas asistit të Seferit, duke rihapur sfidën.

Kur u duk se Tirana do të bënte diçka më tepër, vendasit do të shënonin golin e tretë në minutën e 81' me anë të Kuze. Megjithatë as tre minuta nga ky realizim, Tirana do të shënonte sërish me Xhixhën por vetëm kaq. Tirana mundet dhe nuk lë shenjë në Kupat e Europës.

E.Ç (Dosja.al)

tirana zrinjski

Sondazh

Poll

MË SHUMË