Aktualitet

EKSKLUZIVE/ U kap me snajper, si kamuflohej miku i ish efektivit të RENEA-s, bënte smoothie në Tiranë

Hithi u vu në pranga së bashku me Radën, pasi në mjetin me të cilin lëviznin u gjet snajper së bashku me municione të tjera luftarake.

28 Korrik 2022, 13:13 Nga A.B
EKSKLUZIVE/ U kap me snajper, si kamuflohej miku i ish efektivit të
Remal Rada

TIRANË- Elton Hithi është miku i Remal Radës, ish-efektivit të RENEA-s, kamuflohej në Tiranë në mënyrë perfekte. Burime për Dosja.al tregojnë se Hithi, i cili u la ditën e sotme në masën e sigurisë 'arrest me burg' nga Gjykata e Tiranës, punonte në një biznes në zonën e 21-shit në Tiranë si punonjës që realizonte lëngje frutash smoothie. Kjo punë mëse e zakonshme u zgjodh si mënyrë kamuflimi nga Hithi i cili lëvizte në kryeqytet me municione luftarake. 

Hithi u vu në pranga së bashku me Radën, pasi në mjetin me të cilin lëviznin u gjet snajper së bashku me municione të tjera luftarake. Dyshimet e Prokurorisë janë për Remal Radën i cili mendohet të jetë pjesë e një grupi kriminal vrasësish me pagesë. Kjo falë arsenalit të armëve të cilat Rada i kishte shpërndarë në makinë dhe në dy banesa por edhe për faktin se edhe pse nuk ishte më në detyrë si efektiv i RENEA-s ai mbante pa të drejtë uniformën e policisë.

Organ i akuzës ka kërkuar mostra për të bërë analiza AND, por nuk është pranuar nga të pandehurit. Ndaj tyre rëndojnë akuzat e armëmbajtjes pa leje dhe mbajtja pa të drejtë të uniformave të policisë.

remal rada elton hithi

Sondazh

Poll

MË SHUMË