Aktualitet

Dyshohet se punon për grupe kriminale, ish-efektivi i RENEA-s: Më futën në kurth

Rada këmbënguli që ishte viktimë e ngjarjes dhe se nuk kishte dijeni të objekteve që mbante në makinë.

28 Korrik 2022, 12:28 Nga A.B
Dyshohet se punon për grupe kriminale, ish-efektivi i RENEA-s: Më
Remal Rada

TIRANË- Ish-efektivi i RENEA-s, Remal Rada ka deklaruar në seancën me dyer të mbyllura se e kanë futur në kurth. Ai u la në arrest me burg për Gjykatën e Tiranës. Procesi është zhvilluar me dyer të mbyllura ku ishte i pranishëm gjyqtari dhe prokurori i çështjes, ku u zbulua dinamika se si u zbulua ngjarja. 

Rada këmbënguli që ishte viktimë e ngjarjes dhe se nuk kishte dijeni të objekteve që mbante në makinë. Ai tregoi se në qershor kishte udhëtuar në Britaninë e Madhe, tek vëllai i tij ku kishte takuar një qytetar me emrin Ilir. Rada tregoi se pasi mbërriti në Shqipëri mori një telefonatë për të marrë një pako me veshje e për ta dërguar në një vend.

Sipas tij, pasi mori një çantë dhe pasi hipi në makinë dyshoi që në pako kishte diçka të dyshimtë, por menjëherë u ndal nga RENEA. Remal Rada ka refuzuar të flasë para gjykatësit dhe nuk dihet sa e vërtetë është ngjarja. 

39-vjeçari Remal Rada, ka shërbyer për më shumë se 13 vite në repartin special të forcave RENEA nga ku u shkëput vetëm disa muaj më parë.

remal rada

Sondazh

Poll

MË SHUMË