Politike

Meta në dosjet e sigurimit, reagon Alibeaj: Të rëndësishme janë standardet, jo emrat e përveçëm

Albeaj shprehet se ka refuzuar të njihet me dosjet sekrete pasi sipas tij për Partinë Demokratike nuk kanë vlerë emrat e përveçëm por standartet dhe transparenca. 

27 Korrik 2022, 14:59 Nga e.k
Meta në dosjet e sigurimit, reagon Alibeaj: Të rëndësishme
Enkeled Alibeaj

TIRANË: Deputeti i Partisë Demokratik, Enkelejd Alibeaj  ka reaguar ditën e sotme në lidhje me lajmin se Ilir Meta figuron në dosjet e ish sigurimit të shtetit. Me anë të një postimin në facebook Alibeaj shkruan se ka marrë sot një ftesë nga kryetarja e Kuvendit, Lindita Nikolla për të parë nga afër materialet e mbërritura nga Autoritetit i Dosjeve për politikanin I.M.

Albeaj shprehet se ka refuzuar të njihet me dosjet sekrete pasi sipas tij për Partinë Demokratike nuk kanë vlerë emrat e përveçëm por standartet dhe transparenca. 

"Ne kemi qenë ata që kemi kërkuar përjashtimin e sigurimsave nga emërimet në reformën në drejtësi dhe ia kemi arritur. PD jo vetëm ka kërkuar, por ka pregatitur dhe projektligjin për dekomunistizimin. Kemi depozituar projektligjin per kthimin e Spacit dhe Tepelenës në muze kombëtarë. Kemi kërkuar sistematikisht deklasifikimin e dosjeve të sigurimit të shtetit, madje edhe 1 javë më parë në Kuvend, e do depozitojme iniciativën përkatëse për këtë qëllim", shkruan Alibeaj.

POSTIMI I DEPUTETIT ENKELEJD ALIBEAJ

Çfarë ndodhi dje? Një njoftim i Autoritetit të Dosjeve se kishin zbuluar si ish-sigurims një politikan të nivelit të lartë të njoftuar si I.M, mori dhenë për të nisur një debat politik. Autoriteti nuk dha emër por reagimi pasoi nga stafi i komunikimit të ish-presidentit Ilir Meta. Tedi Blushi mohoi lajmin dhe e quajti si sulm "patronazhistësh". Por sot, Autoriteti njoftoi kryeparlamentaren Nikolla zyrtarisht. Nikolla ua ka dërguar dosjen e plotë krerëve të grupeve parlamentare në Shqipëri. Asnjë reagim nuk ka ardhur nga vetë Meta, kryeministri Edi Rama dhe opozita.

 

enkelejd alibeaj

Sondazh

Poll

MË SHUMË