Sport

Për 50.000 euro fiton lirinë me kusht lojtari i Shtutgartit, akuzohej për sulm seksual

Atakan Karazor ka marrë lirimin e përkohshëm, pasi ka paguar një garanci financiare të vendosur nga drejtësia spanjole, e cila e lejon atë të shmangë burgun

21 Korrik 2022, 16:55 Nga DOSJA
Për 50.000 euro fiton lirinë me kusht lojtari i Shtutgartit, akuzohej

SPANJE - Futbollisti i Shtutgartit, Atakan Karazor, ka fituar lirinë e përkohshme, pasi ka paguar një garanci prej 50 mijë eurosh të vendosur nga drejtësia spanjole, e cila i lejon atij të largohet nga burgu deri në përfundim të gjykimit. Lojtari është hetuar nga gjykata hetuese numër 4 në Ibiza, për një krim të dyshuar të sulmit seksual dhe ishte në paraburgim që nga qershori i kaluar, raportoi këtë të enjte Gjykata e Lartë e Ishujve Balearik (TSJIB).

Seksioni i parë i gjykatës provinciale në Ishujt Balearik ka modifikuar situatën e futbollistit dhe e ka njoftuar këtë të enjte, se ai se duhet të paguajë 50 mijë euro për të shmangur burgu provizor. Gjithashtu, gjykata ka vendosur paraqitjet periodike dhe ndalimin e kontaktit dhe komunikimit me viktimën. TSJIB ka konfirmuar, se lojtari ka paguar garancinë, megjithëse nuk dihet nëse ai tashmë është larguar nga burgu.

Sulmi seksual pretendohet të kishte ndodhur në agimin e 8 qershorit, në një vilë pranë klubit të natës Cova Santa, ku po qëndronin agresorët e dyshuar, që ndodhet në komunën e Sant Josep. E reja, e cila denoncoi dy burrat për përdhunim, shkoi në spitalin Can Misses Ibiza për të marrë ndihmën mjekësore dhe për t'iu nënshtruar analizave të përcaktuara për viktimat e sulmit seksual.

B.T (Dosja.al)

Sondazh

Poll

MË SHUMË