Sport

VD/ City i Guardiolës mposht Amerikën, De Bruyne dopiedë, Haaland nuk luajti

Fitore 2-1 për skuadrën e Pep Guardiolës. Në pjesën e dytë Amerika humbi thellësinë me largimin e Fidalgo. Manchester City mori kontrollin e lojës, gjeneroi më shumë ardhje, por nuk kishte synim të thellonte rezultatin.

21 Korrik 2022, 08:02 Nga DOSJA

VD/ City i Guardiolës mposht Amerikën, De Bruyne dopiedë, Haaland

SHBA - Manchester City i Pep Guardiolës mundi Amerikën e futbollit meksikan 2-1 në një ndeshje miqësore të zhvilluar në Shtetet e Bashkuara. Golat në stadiumin ‘NRG’ në  Houston, Teksas, u realizuan nga belgu Kevin De Bruyne (dopiedë), ndërsa për meksikanët shënoi Henry Martin.

Dueli nisi me një ritëm të mirë dhe kontroll të Amerikës, që kishte si motor sulmuesin iberian Álvaro Fidalgo. Por kampionët e Premier League në të 29’ kaluan në epërsi me De Bruyne. Goli i barazimit arriti në të 42’ pas një topi të gjatë që Martín e kontrolloi, shmangu holandezin Nathan Aké dhe mundi edhe portierin Ortega me gjuajtjen e tij.

Në minutën e 45-të, skuadra e Guardiolës rifitoi avantazhin, po me De Bruyne që zgjidhi një aksion nën këmbët e portierit. Në pjesën e dytë Amerika humbi thellësinë me largimin e Fidalgo. Manchester City mori kontrollin e lojës, gjeneroi më shumë ardhje, por nuk kishte synim të zgjeronte rezultatin. Për skuadrën angleze, përforcimi i saj, ylli norvegjezi Erling Haaland ishte në stol, por nuk u fut në lojë.

Kjo ishte ndeshja e tretë miqësore në histori mes këtyre skuadrave. E para, në vitin 2010, përfundoi në barazim 1-1; në vitin 2011 skuadra e Premier League fitoi 2-0. Në ndeshjen e ardhshme parasezonale në Shtetet e Bashkuara, Manchester City do të përballet me kampionin e Bundesligës,  Bayern Munich, të shtunën në ‘Lambeau Field’ në Green Bay, Wisconsin.

B.T (Dosja.al)

Sondazh

Poll

MË SHUMË