Politike

Komisioni për mandatin e Xhaçkës/ Alibeaj: Doja të dëgjonim ministren, fshiheni me bisht ndër shalë

Enkelejd Alibeaj tha se do të donte që në sallë të ishte dhe ministrja në mënyrë që t'i drejtonin pyetje për çështjen që ajo akuzohet se ka shkelur ligjin. 

15 Korrik 2022, 11:33 Nga k.m.
Komisioni për mandatin e Xhaçkës/ Alibeaj: Doja të
Enkelejd Alibeaj

TIRANË- Deputeti i Partisë Demokratike, Enkelejd Alibeaj ka ngritur shqetësimin se edhe sot ministrja për Punët e Jashtme, Olta Xhaçka ka munguar në Komisionin e ngritur për mandatin e saj. Në fjalën e tij, Alibeaj tha se do të donte që në sallë të ishte dhe ministrja në mënyrë që t'i drejtonin pyetje për çështjen që ajo akuzohet se ka shkelur ligjin. 

"Seancën e kaluar, siç unë e kisha kërkuar duhet të operonim me dëgjesën e zonjës ministre. E thirrët zonjën Xhaçka, ka të drejtën e saj që të përfaqësohet nga një avokat. Kur jepet e drejat për të dëgjuar përfshihet e drejta për të bërë pyetje. Në mënyrë që të kuptojmë dhe ne nëse kemi të drejtë apo jo. Ju u ngritët ikët dhe kjo nuk iu bën nder. Së pari juve dhe më pas parlamentit. Të ikësh me bisht ndër shalë, nuk është pjesë e rregullores, nuk i shërben të vërtetës. E dëgjova me durim avokatin, por do të doja që t'i bëja disa pyetje. Të fshihesh nuk bëhet shërbim,"-tha ai në fjalën e tij.

Pse akuzohet ministrja?

Bashkëshorti i ministres Olta Xhaçka, Artan Gaçi do të ndërtojë përmes një kompanie të tretë, një resort turistikm në Dhërmi, pasi është shpallur edhe "investitor strategjik" nga qeveria Rama. Në skemën e dyshuar si klienteliste, kunata e ministres Xhaçka, Taëni Lin Grzych-Sutton, një shtetase 30-vjeçare nga Masaçusets i SHBA, e cila prej vitesh bashkëjeton në Tiranë me vëllain e Xhaçkës mori pronën në fjalë në përdorim në bregdet përmes një kompanie e cila u ngrit dhe u asistua nga administrata e kompanisë së Gaçit. Paralelisht Me firmën e Kryeministrit Rama, kompania "AG.Tç" SH.P.K në pronësi të bashkëshortit të ministres Xhaçka, shpallet investitor strategjik për ndërtimin e resortit në Dhërmi, i cili parashikon marrjen e tokës në bregdet në përdorim për 30 vite. Kryeministri Rama ndryshon vendimin e datës 22/02/2021 dhe shton kompaninë e kunatës si investitore strategjike. Vetë Gaçi i pyetur për mediat ka thënë më herët se është ai investitori por nuk ka deklaruar se shtetasja amerikane në fakt është njohje e tij dhe krushqi e të shoqes ministre. Me këtë vendim, familja Xhaçka përfiton marrjen e pronës publike në përdorim deri në 30 vjet dhe infrastrukturë falas nga shtetit. Por ministrja thotë se nuk ka asnjë konflikt interesi dhe se bashkëshorti i saj është një "emigrant ëndërrimtar".

enkelejd alibeaj komisioni per mandatin e xhackes

Sondazh

Poll

MË SHUMË