Sport

Një 'emigrant' brazilian i rastësishëm, tërheq vëmedjen dhe befason Ancelottin…

Lojtari i Shakhtar Donetsk, Vinicius Tobias, ka përfituar nga rasti, për t'u bërë pjesë dhe zhvilluar parasezonin me ekipin e parë të Real Madridit.

10 Korrik 2022, 17:51 Nga DOSJA
Një 'emigrant' brazilian i rastësishëm, tërheq
Vinicius Tobias (majtas) dhe Rodrygo

SPANJE - Pavarësisht se në Real Madrid kanë kaluar vetëm tre ditë para-sezonale, tashmë në skuadrën e Ancelottit është një lojtar që ka surprizuar Carletton. Dhe nuk është askush tjetër veç brazilianit Vinicius Tobias. 

Vinicius Tobias, i ardhur te Real Madrid shkurtin e kaluar nga Shakhtar Donetsk për shkak të luftës mes Rusisë dhe Ukrainës, zbarkoi në Castilla nën profilin e të qenit një lojtar që zinte pozicionin e mbrojtësit të djathtë dhe madje edhe të anësorit. 

Ai shquhet për shpejtësinë, cilësinë me topin dhe mbi të gjitha për rininë e tij, pasi është vetëm 20 vjeç. Kështu, lojtari brazilian, i vetëdijshëm për mundësinë që ka pasur duke bërë para-sezonin me ekipin e pare të Realit, do ta shfrytëzonte në maksimum rastin. 

Kështu, pavarësisht se lojtari ka një rekord me skuadrën vartëse dhe jo me atë të Ancelottit, pritet që ai të vazhdojë të zhvillojë para-sezonin në të njëjtën mënyrë si deri më tani dhe tashmë në fillim të sezonit do të jetë pjesë e skuadrës së Raul Gonzalez.

B.T (Dosja.al)

Sondazh

Poll

MË SHUMË