Aktualitet

Arrestohet në Tiranë 40-vjeçari i shpallur në kërkim, ndalohen edhe 5 persona të tjerë (DETAJE)

Forcat blu, njoftojnë se në pranga ka përfunduar 40-vjeçari Enriko Deliu, pasi ishte i shpallur në kërkim.

9 Korrik 2022, 13:38 Nga A.B
Arrestohet në Tiranë 40-vjeçari i shpallur në kërkim,
Policia

TIRANË- Gjashtë persona janë arrestuar në kryeqytet pasi kanë kryer vepra të ndryshme penale. Forcat blu, njoftojnë se në pranga ka përfunduar 40-vjeçari Enriko Deliu, pasi Gjykata e Rrethit Gjyqësor Tiranë ka revokuar dënimin e mëparshëm alternativ të caktuar për këtë shtetas, më datë 05.12.2017, dhe i ka caktuar 40-vjeçarit, dënimin me 1 vit burgim, për veprën penale “Vjedhja duke shpërdoruar detyrën”. Po ashtu, është arrestuar në flagrancë shtetasin Z. H., 58 vjeç, pasi ka ushtruar dhunë ndaj ish-bashkëjetueses. Në pranga kanë përfunduar dhe persona të tjerë të cilët janë kapur duke drejtuar mjetin pa leje qarkullimi.

NJOFTIMI I POLICISË:

Vihen në pranga 6 shtetas, për vepra të ndryshme penale. Specialistët për Hetimin e Krimeve në Komisariatin e Policisë Nr. 2 ndaluan shtetasin Enriko Deliu, 40 vjeç, banues në Tiranë, pasi Gjykata e Rrethit Gjyqësor Tiranë ka revokuar dënimin e mëparshëm alternativ të caktuar për këtë shtetas, më datë 05.12.2017, dhe i ka caktuar 40-vjeçarit, dënimin me 1 vit burgim, për veprën penale “Vjedhja duke shpërdoruar detyrën”. Specialistët për Hetimin e Krimeve në Komisariatin e Policisë Nr. 4 arrestuan në flagrancë shtetasin Z. H., 58 vjeç, pasi ka ushtruar dhunë ndaj ish-bashkëjetueses. Specialistët për Hetimin e Krimeve në Komisariatin e Policisë Nr. 6 arrestuan në flagrancë shtetasin I. Gj., 45 vjeç, përgjegjës punimesh në një qendër tregtare, për veprën penale "Shkelja e rregullave të mbrojtjes në punë", pasi në objektin ku ky shtetas është përgjegjës, kanë rënë nga lartësia ku ishin duke punuar dhe si pasojë janë dëmtuar, dy shtetas të mitur 16 dhe 17 vjeç.

Specialistët e Qarkullimit Rrugor arrestuan në flagrancë shtetasit: - E. R., 33 vjeç, banues në Tiranë, pasi u kap duke drejtuar motomjetin, pa leje drejtimi; - F. H., 37 vjeç, banues në Tiranë, pasi duke drejtuar automjetin, ka aksidentuar shtetasen L. R., 76 vjeçe, e cila ndodhet në spital, nën kujdesin e mjekëve; - A. J., 21 vjeç, banues në Tiranë, pasi u kap duke drejtuar mjetin, pa leje drejtimi. --- Specialistët për Hetimin e Krimeve në Komisariatin e Policisë Nr. 3 kanë referuar materialet në Prokurori dhe po punojnë për kapjen e shtetasit F. B., 33 vjeç, pasi për motive të dobëta, ka goditur me mjet prerës shtetasin E. M., 25 vjeç. Shtetasi E. M., pas mjekimit në spital, është larguar në banesë.Materialet i kaluan Prokurorisë, për veprime të mëtejshme procedurale.

arrestim ne tirane tirane

Sondazh

Poll

MË SHUMË