Aktualitet

Vidhte kabujt elektrikë të ndriçimit të qytetit, arrestohet 34-vjeçari në Durrës

Arrestimi i tij u bë në flagrancë si dhe iu sekuestruan 350 metra kabull të cilin ai e kishte vjedhur në shtyllat e ndriçimit në rrugë.

9 Korrik 2022, 13:16 Nga e.k

Vidhte kabujt elektrikë të ndriçimit të qytetit,

DURRËS: Një 34-vjeçar i identifikuar me inicialet E.R banues në Durrës është arrestuar nga blutë e qytetit bregdetar pasi akuzohet se këpuste kabujt e furnizimit me energji elektrike, me qëllim vjedhjen e tyre, duke lënë për pasojë, në errësirë, rrugët e qytetit të Durrësit. Arrestimi i tij u bë në flagrancë si dhe iu sekuestruan 350 metra kabull të cilin ai e kishte vjedhur në shtyllat e ndriçimit në rrugë.

NJOFTIMI I POLICISË:

Nisur nga denoncimet e bëra nga Bashkia Durrës dhe nga shqetësimet e qytetarëve, të adresuara në Policinë e Durrësit, se një shtetas këpuste kabujt e furnizimit me energji elektrike, me qëllim vjedhjen e tyre, duke lënë për pasojë, në errësirë, rrugët e qytetit të Durrësit, menjëherë policia ka organizuar punën për identifikimin dhe kapjen e autorit.

Pas disa ditësh hetime dhe ndjekjeje u bë e mundur kapja dhe arrestimi në flagrancë i shtetasit:

-E. R., 34 vjeç, banues në Durrës.

Gjithashtu shërbimet e Policisë i gjetën dhe i sekuestruan këtij shtetasi, në cilësinë e provës materiale, rreth 350 metra kabuj elektrikë që i kishte këputur dhe vjedhur nga shtyllat e ndriçimit të rrugëve të qytetit të Durrësi.

Në bashkëpunim me Prokurorinë pranë Gjykatës së Rrethit Gjyqësor Durrës, vijon puna për dokumentimin e plotë të vjedhjeve të tjera të kryera nga ky shtetas.

Materialet procedurale i kaluan Prokurorisë, për veprime të mëtejshme.

 

durres policia e durresit

Sondazh

Poll

MË SHUMË