Bota

Vdes krijuesi i "Yu-Gi-Oh", zbulohet trupi i pajetë buzë detit

Artisti fitoi famë botërore me historinë e lojës që e shndërroi Pokemonin në një nga "eksportet" kulturore më të njohura të Japonisë.

7 Korrik 2022, 19:19 Nga f.g
Vdes krijuesi i "Yu-Gi-Oh", zbulohet trupi i pajetë buzë
Krijuesi i Yu-Gi-Oh

TOKYO - Kazuki Takahashi, krijuesi i mangës ndërkombëtare të suksesshme dhe lojës me letra tregtare Yu-Gi-Oh!, u gjet i vdekur në Japoninë jugore. 

Trupi i tij u zbulua të mërkurën duke lundruar në brigjet e Nago në prefekturën Okinawa. Takahashi po udhëtonte i vetëm në Nago, një destinacion popullor pushimesh dhe  ishte duke u zhytur në ujë kur vdiq nga shkaqe të panjohura. Ai ishte 60 vjeç. 

Takahashi, emri i vërtetë i të cilit ishte Kazuo, filloi të punonte si artist manga (i llojit të Yu-Gi-Oh!) në fillim të viteve 1980, por vetëm në vitin 1996 ai filloi ngritjen e tij në famë ndërkombëtare me historinë e një djali me flokë gjemba që sfidon armiqtë e tij në duele që përfshijnë lojëra magjike.

Seria, loja dhe letrat Yu-Gi-Oh! janë shfaqur shpesh në listat më të shitura dhe loja me letra ka gjeneruar miliarda dollarë të ardhura për botuesin e saj, Konami. Një version i ri i videolojës i lëshuar në janar, u shkarkua 30 milionë herë në tre muajt e parë.

Zjarrfikësit lokalë zbuluan trupin e Takahashi në orën 11:27 të mëngjesit të së mërkurës, pas një raportimi nga turistët vendas, tha roja bregdetare, duke shtuar se po hetohet shkakun e vdekjes së tij.

yugioh kazuki takahashi

Sondazh

Poll

MË SHUMË