Bota

Johnson dha dorëheqjen, Zelenskyy: Është një mik i vërtetë i Ukrainës, mezi pres të flas me të

Në fjalimin e tij të dorëheqjes, Johnson iu drejtua rolit të Britanisë në mbështetjen e Ukrainës në luftën e saj dhe tha se Mbretëria e Bashkuar do të luftojë për lirinë për aq kohë sa duhet.

7 Korrik 2022, 17:33 Nga e.k
Johnson dha dorëheqjen, Zelenskyy: Është një mik i
Boris Johnson dhe Volodymyr Zelenskyy

KIEV- Presidenti ukrainas Volodymyr Zelenskyy e quajti kryeministrin britanik Boris Johnson "një mik të vërtetë të Ukrainës", duke shtuar se ai ka besim se politika e Mbretërisë së Bashkuar ndaj Ukrainës nuk do të ndryshojë pavarësisht dorëheqjes së Johnson .

Ukraina fitoi shumë nga marrëdhënia e tyre me kryeministrin, duke përfshirë para së gjithash mbështetjen ushtarake, i tha Zelensky Ëolf Blitzer të CNN në një intervistë të enjten kur u pyet për komentet e tij për dorëheqjen e Johnson.

Në fjalimin e tij të dorëheqjes, Johnson iu drejtua rolit të Britanisë në mbështetjen e Ukrainës në luftën e saj dhe tha se Mbretëria e Bashkuar do të luftojë për lirinë për aq kohë sa duhet.

"Më lejoni t'i them tani popullit të Ukrainës. Unë e di se ne në MB do të vazhdojmë të mbështesim luftën tuaj për liri për aq kohë sa të duhet," tha ai.

Presidenti ukrainas tha se mezi pret të flasë drejtpërdrejt me Johnson për të mësuar më shumë rreth detajeve të dorëheqjes së tij.

Johnson dha dorëheqjen pas një sërë dorëheqjesh brenda Partisë së tij Konservatore, duke thënë në një fjalim drejtuar kombit se procesi i zgjedhjes së një kryeministri të ri "duhet të fillojë tani". Megjithatë, Johnson nuk planifikon të largohet menjëherë nga detyra. Ai do të qëndrojë derisa të vendoset një udhëheqës i ri, tha ai, në një fjalim televiziv jashtë 10 Doëning Street.

boris johnson volodymyr zelenskyy

Sondazh

Poll

MË SHUMË