Bota

Johnson telefonon Zelenkyn pas dorëheqjes: Je një hero, mbështetja britanike do të vijojë

Boris Johnson ka qenë një mbështetës i fortë i presidentit ukrainas që nga fillimi i luftës në vend pas pushtimit nga Rusia në shkurt të këtij viti.

7 Korrik 2022, 17:59 Nga e.k
Johnson telefonon Zelenkyn pas dorëheqjes: Je një hero,
Volodymyr Zelenskyy dhe Boris Johnson

BRITANI- Ish-kryeministri i Britanisë së Madhe Boris Johnson, zhvilloi një bisedë telefonike me presidentin e Ukrainë Volodymir Zelensky, të cilit i shprehu mbështetjen e palëkundur të Mbretërisë së Bashkuar.

Johnson theksoi mbështetjen e palëkundur ndërpartiake të Mbretërisë së Bashkuar për njerëzit e Presidentit Zelensky dhe tha se Mbretëria e Bashkuar do të vazhdojë të ofrojë ndihmë jetike mbrojtëse për aq kohë sa të jetë e nevojshme.  Ai falënderoi Zelenskyn për gjithçka që po bën për të qëndruar në këmbë për lirinë, për miqësinë e tij dhe për mirësinë e popullit ukrainas.

Nga ana tjetër Presidenti Zelenskyy falënderoi kryeministrin për veprimin e tij vendimtar në Ukrainë dhe tha se populli ukrainas ishte mirënjohës për përpjekjet e Mbretërisë së Bashkuar. Boris Johnson ka qenë një mbështetës i fortë i presidentit ukrainas që nga fillimi i luftës në vend pas pushtimit nga Rusia në shkurt të këtij viti.

Johnson dha dorëheqjen pas një sërë dorëheqjesh brenda Partisë së tij Konservatore, duke thënë në një fjalim drejtuar kombit se procesi i zgjedhjes së një kryeministri të ri "duhet të fillojë tani". Megjithatë, Johnson nuk planifikon të largohet menjëherë nga detyra. Ai do të qëndrojë derisa të vendoset një udhëheqës i ri, tha ai, në një fjalim televiziv jashtë 10 Doëning Street.

boris johnson volodymyr zelenskyy

Sondazh

Poll

MË SHUMË