Aktualitet

Rikthehen në detyrë prokurorët e SPAK, Elvin Gokaj dhe Alfred Shehu! Gjykata e Lartë rrëzoi vendimin e Apelit

Vendimi është marrë sot nga Gjykata e Lartë është rrëzuar vendimi i Apelit Administrativ, e cila e kishte konsideruar të parregullt zgjedhjen e dy prokurorëve në strukturën e SPAK. 

7 Korrik 2022, 16:00 Nga k.m.
Rikthehen në detyrë prokurorët e SPAK, Elvin Gokaj dhe Alfred
Elvin Gogaj dhe Alfred Shehu

TIRANË- Elvin Gogaj dhe Alfred Shehu, të dy prokurorë të Prokurorisë së Posaçme Kundër Korrupsionit dhe Krimit të Organizuar janë rikthyer në detyrë sot nga Gjykata e Lartë. Vendimi është marrë sot nga Gjykata e Lartë është rrëzuar vendimi i Apelit Administrativ, e cila e kishte konsideruar të parregullt zgjedhjen e dy prokurorëve në strukturën e SPAK. 

Më 27 maj, Gjykata Administrative e Apelit shpalli të pavlefshëm vendimin për renditjen e 3 garuesve dhe emërimin dy prokurorëve Gogaj dhe Shehu, duke pranuar ankimimin e prokurores Sonila Muhametaj.

Kjo e fundit ishte në garë me Gogajn e Shehun, por nuk u përzgjodh dhe pretendon se renditja e kandidatëve është bërë në mënyrë të padrejtë. Gjykata ia pranoi ankimin duke theksuar se vendimi i Këshillit të Lartë të Prokurorisë nuk është dhënë duke ndjekur procedurat e rregullta. Për rrjedhojë është shpallur e pavlefshme renditja e garuesve dhe emërimi i dy prokurorëve.

Pas rikthimit në detyrë të prokurorëve Elvin Gokaj dhe Alfred Shehu, SPAK ribëhet me 17 anëtarë.

elvin gogaj alfred shehu sonila muhametaj

Sondazh

Poll

MË SHUMË