Politike

Veliaj: Do hapim 12 shkolla të reja, Teatri nis ndërtimin në vjeshtë

Vitin e ri shkollor, sipas Veliajt do të marrë fund tema e shkollave me dy turne.

5 Korrik 2022, 16:10 Nga F.M
Veliaj: Do hapim 12 shkolla të reja, Teatri nis ndërtimin në
Erion Veliaj

TIRANË- Kryetarja e Bashkisë Tiranë Erion Veliaj është shprehur se këtë verë do të hapet gara për ndërtimin e Teatrit të Ri dhe pasi të mbyllen procedurat, për 60 ditë, në vjeshtë do të nisë ndërtimi. në një intervistë për “Opinion” në Neës24, Veliaj tha se ndërtimi i Teatrit zgjat dy vite.

Në muajin shtator, Veliaj tha se do të hapë edhe 12 shkolla të reja. Vitin e ri shkollor, sipas Veliajt do të marrë fund tema e shkollave me dy turne.

Pjesë nga intervista:

Pyetje: Puna për teatrin kur nis?

Erion Veliaj: Do të hapim një garë që zgjat 60 ditë, gjatë verës, dhe besoj se në vjeshtë do të fillojmë ndërtimin, që do të zgjasë dy vjet. Hapim dhe 12 shkolla. Për herë të parë nuk do të kemi më shkolla me dy turne në Tiranë. Kemi ndërtuar aq shumë shkolla, sa besoj se nuk do flasim më për shkolla me dy turne. Kjo merr fund njëherë e mirë. Çështja që më dhemb më shumë është ajo e kohës, se ikën koha. Ikën një kohë e çmuar, që është jeta e vendit. Kur shikon se shumë prej këtyre flluskave kanë qenë një pengesë pa sens. Ne tani po përgatitemi për rindërtimin e Teatrit, por kur mendon sa shumë vite humbëm për këtë, të vjen keq. Edhe kundërshtari më i madh i punëve tona, vetëm duke na sharë është bërë më i pasur. Tirana rritjen e vet e ka përfitim të të gjithëve, jo për një grup të caktuar. Ndaj të gjithë duhet të gëzohemi, kur punët e qytetit shkojnë mirë.

erion veliaj

Sondazh

Poll

MË SHUMË