Sport

Për 12 vjet Shakira la gjithçka për Piqué, tani në gjykatë për të zyrtarizuar divorcin

Këngëtarja dhe futbollisti katalan në përpjekje të zgjidhjes së problemeve të tyre në çift, gjithçka e kanë lënë në duart e dy firmave ligjore.

3 Korrik 2022, 07:12 Nga DOSJA

Për 12 vjet Shakira la gjithçka për Piqué, tani në

SPANJE - Shakira dhe Gerard Pique mund të jenë afër përfundimit të episodeve të fundit të tensionit mes çiftit. Siç tregon ‘Informalia’, çifti jeton një javë, që mund të jetë vendimtare në ndarjen e tyre. Pas kthimit nga Cantabria me fëmijët e saj, Shakira do të ishte takuar me avokatin e saj për të zgjidhur disa çështje që lidhen me ndarjen e saj ligjore me Gerard Piqué.

Të dy shpresojnë që në ditët në vijim të paraqesin propozimin përfundimtar që zgjidh situatën e tyre të komplikuar dhe të tensionuar. Synimi i këngëtares, sipas mediumit të lartpërmendur, është të largohet nga Barcelona dhe të rindërtojë diku tjetër jetën e saj sociale. Madje ‘Informalia’ shprehet se ky vendim do të kuptohej, si nga Pique ashtu edhe nga familja e tij. 

Nga ambienti i artistes zbulojnë se ajo la gjithçka këto 12 vite "për dashurinë ndaj Pique" dhe se ai ia ktheu "duke qenë i pabesë, dukshëm për shumë më gjatë nga sa thuhej". I njëjti burim ankohet për përpjekjen e bërë nga kolumbiania për të vazhduar në krah të partnerit të saj dhe trishtimin që pasoi tradhtia e saj.

 
 
 
 
 
View this post on Instagram
 
 
 
 
 
 
 
 
 
 
 

A post shared by Shakira (@shakira)

Të dy kërkojnë të zgjidhin probleme të ndryshme, që shkojnë përtej kujdestarisë së fëmijëve të tyre, sipas ABC. Disa probleme afektive do të kishin qenë kyç në përkeqësimin e marrëdhënies. Ndërkohë, Shakira përpiqet të harrojë situatën komplekse duke u zhvendosur në veri të Spanjës me pushime. Thashethemet nuk pritën, kur u publikua një foto e këngëtares me tone miqësore me një instruktor të sërfit.

Ndërkohë, Pique mundohet të rikuperojë imazhin e tij publik pas ngjarjeve të fundit. Kohët e fundit u publikua lajmi se ai do të hetohet për akuzën e komisioneve dhe korrupsionit gjatë transferimit të Superkupës së Spanjës në Arabinë Saudite.

Një episod më shumë në jetën e futbollistit, i cili do të tërbohej pas informacioneve të fundit. Zemërimi i tij përfundoi i dukshëm pak ditë më pare, kur i theu celularin një paparaci në aeroportin e Barcelonës. Madje u përfol se së fundmi ai i kishte kërkuar para këngëtares dhe se ky do të ishte një nga shkaqet e ndarjes.

Shakira dhe Piqué së fundmi shpresojnë t'i japin fund problemit të marrëdhënies së tyre dhe të mbyllin këtë episod 12-vjeçar. Të dy u takuan në vitin 2010, datë në të cilën përkoi Kupa e Botës në Afrikën e Jugut.

B.T (Dosja.al)

Sondazh

Poll

MË SHUMË