Aktualitet

Ra nga makina? 60-vjeçari në Dibër u vra, arrestohet personi që e hodhi në tokë

Personi që akuzohet se e ka shtyrë është O.T., dhe mbi të rëndon vepra penale “Plagosja e rëndë me dashje”, me pasojë vdekjen. Bashkë me të janë proceduar penalisht edhe tre persona të tjerë.

1 Korrik 2022, 16:14 Nga F.M

Ra nga makina? 60-vjeçari në Dibër u vra, arrestohet personi

DIBËR- 60-vjeçari Nuri Basha, që u raportua se vdiq në mënyrë aksidentale gjashtë ditë më parë në Dibër, rezulton të jetë vrarë. Në njoftimin e policisë së Dibrës bëhet me dije se është vënë në pranga personi që e ka shtyrë 60-vjeçarin pas një sherri në lokal. Për pasojë, ky i fundit ka përplasur kokën në një cep të lokalit dhe ka humbur ndjenjat. Ai u dërgua me helikopter në spitalin e Traumës në Tiranë, por pavarësisht mjekimit të marrë, ka ndërruar jetë. Personi që akuzohet se e ka shtyrë është Osman Torba dhe mbi të rëndon vepra penale “Plagosja e rëndë me dashje”, me pasojë vdekjen. Bashkë me të janë proceduar penalisht edhe tre persona të tjerë.

Njoftimi i policisë:

U referua fillimisht si ngjarje aksidentale, pas hetimeve të thelluara të Policisë, në bashkëpunim me Prokurorinë, zbardhet ngjarja e ndodhur në datën 26.06.2022, në Peshkopi, ku mbeti i lënduar rëndë shtetasi N. B., 60 vjeç, i cili më pas humbi jetën në spital. Ndalohet autori i dyshuar i plagosjes me pasojë vdekjen e 60-vjeçarit. Procedohen penalisht 3 shtetas të tjerë, për moskallëzim krimi. Nga strukturat hetimore të Drejtorisë Vendore të Policisë Dibër, në bashkëpunim me Prokurorinë pranë Gjykatës së Rrethit Gjyqësor Dibër, nisur nga dyshimet e krijuara për ngjarjen e ndodhur në datën 26.06.2022, në lagjen “Kamen”, Peshkopi, ku mbeti i dëmtuar rëndë shtetasi N. B., 60 vjeç, i cili më pas humbi jetën në spital, thelluan hetimet për zbardhjen e rrethanave të kësaj ngjarjeje.

Në përfundim të veprimeve procedurale, u bë ndalimi i shtetasit:O.T., 53 vjeç, banues në fshatin Shimçan, Dibër, për veprën penale “Plagosja e rëndë me dashje”, me pasojë vdekjen. Gjithashtu, filloi procedimi penal në gjendje të lirë për shtetasit E. T., 48 vjeç, L. K., 52 vjeç dhe A.T., 63 vjeç, për veprën penale “Moskallëzimi i krimit”. Shtetasi O. T. dhe 3 shtetasit e tjerë të proceduar në gjendje të lirë, në datën 26.06.2022, deklaruan se ngjarja ka ndodhur në mënyrë aksidentale, sepse shtetasi N. B., 60 vjeç, duke zbritur nga automjeti i parkuar i shtetasit E. T., ishte rrëzuar aksidentalisht dhe për pasojë ishte dëmtuar në kokë.

Më pas, në bazë të dyshimeve të krijuara për rrethanat e kësaj ngjarjeje, bazuar dhe në informacionet e siguruara në rrugë operative, në bashkëpunim me Prokurorinë pranë Gjykatës së Shkallës së Parë Dibër, u bë regjistrimi i procedimit penal për veprën penale “Plagosja e rëndë me dashje”, me pasojë vdekjen. Në përfundim të veprimeve hetimore është bërë i mundur dokumentimi me prova ligjore i kësaj ngjarjeje. Nga veprimet hetimore ka rezultuar se më datë 26.06.2022, në lagjen “Kamen”, Peshkopi, pranë lokalit të shtetasit L. K., pas një konflikti për motive të dobëta, shtetasi O. T. ka shtyrë shtetasin N. B., i cili është rrëzuar në tokë, duke marrë dëmtime të rënda, si pasojë e të cilave humbi jetën në spital, mbrëmjen e datës 28.06.2022. Materialet i kaluan Prokurorisë, për veprime të mëtejshme.

poicia e dibres nuri basha osman torba

Sondazh

Poll

MË SHUMË