Aktualitet

Nga sot hyn në fuqi marrëveshja për sigurimet shoqërore mes Kosovës dhe Shqipërisë

Drejtori i përgjithshëm i Institutit të Sigurimeve Shoqërore, Astrit Hado tha sot në një postim në rrjetet sociale se “përmes kësaj pakete mbrohen të drejtat shoqërore, gjë e cila do të shërbejë, jo vetëm për të tashmen, por edhe për brezat e ardhshëm në të dy vendet”.

1 Korrik 2022, 14:48 Nga d.a.
Nga sot hyn në fuqi marrëveshja për sigurimet shoqërore mes
Rama dhe Kurti

TIRANË- Duke filluar nga sot hyn në fuqi një nga 19 marrëveshjet e firmosura midis qeverive të Shqipërisë dhe Kosovës, ajo e  sigurimeve shoqërore.

Drejtori i përgjithshëm i Institutit të Sigurimeve Shoqërore, Astrit Hado tha sot në një postim në rrjetet sociale se “përmes kësaj pakete mbrohen të drejtat shoqërore, gjë e cila do të shërbejë, jo vetëm për të tashmen, por edhe për brezat e ardhshëm në të dy vendet”.

“Negociatat mes Shqipërisë dhe Kosovës nisën në vitin 2020 dhe kaluan me sukses të gjitha proceset e nevojshme. Instituti i Sigurimeve Shoqërore mbetet i angazhuar për të çuar përpara këto marrëveshje që garantojnë trajtim të barabartë për qytetarët dhe sigurojnë njohjen e viteve të punës”, tha Hado.

Kjo marrëveshje është shumë e rëndësishme për të siguruar një trajtim të barabartë të të gjithë të punësuarve, punëmarrësve dhe të vetëpunësuarve, të cilëve konkretisht do t’i njihen periudhat e sigurimit dhe të kontributeve në të dyja vendet.

mbledhja e qeverive ne kosove marreveshjet shqiperi-kosove astrit hado

Sondazh

Poll

MË SHUMË