Sport

Futbollisti homoseksual: Ëndrra ime është të shkoj në Katar, por nuk dua të rrezikoj jetën

Futbollisti australian Josh Cavallo u deklarua homoseksual vitin e kaluar dhe aspiron të hyjë në listën e kombëtares së vendit të tij, finaliste në Kupën e Botës

30 Qershor 2022, 14:00 Nga DOSJA
Futbollisti homoseksual: Ëndrra ime është të shkoj në
Josh Cavallo, futbollisti homoseksual i Adelaide United

AUSTRALI - Josh Cavallo, futbollist i Adelaide United, në tetor 2021 u bë futbollisti i parë aktualisht aktiv, që deklaroi publikisht homoseksualitetin e tij. Mbrojtësi i majtë australian ka dhënë një intervistë për ‘Sky Sports’, në të cilën ai flet për ëndrrën e tij për të qenë pjesë e ekipit të vendit të tij në Kupën e Botës në Katar, por edhe frikën e tij për të hyrë në vendin arab sepse është homoseksual.

"Nëse përfaqësoj Australinë në Kupën e Botës dhe po jap gjithçka për ta bërë këtë, do të ishte një nder, por në të njëjtën kohë, ligjet përplasen. Unë dua të bëj diçka vërtet të mirë në karrierën time. Kam ëndërruar gjithmonë të luaj për vendin tim në një Kupë Bote, por nuk dua që jeta ime të jetë në rrezik”- shprehet Cavallo, i pyetur në lidhje me ligjet dhe diskriminimin që përjetojnë homoseksualët në Katar dhe që Amnesty International prej kohësh e denoncon.

Cavallo tregon gjithashtu se si kanë qenë këta muaj dhe cili ka qenë reagimi i botës së futbollit ndaj njoftimit të tij: "Sinqerisht, ka qenë e pabesueshme të shoh se si reagoi bota dhe në thelb më dha një përqafim të madh. Tani i jetoj ditët e mia kaq plotësisht. Ka qenë absolutisht e mahnitshme."

Futbollisti homoseksual: Ëndrra ime është të shkoj në

"Natyrisht, mesazhet nga yjet e futbollit, ikona si Zlatan Ibrahimovic, Griezmann dhe Lingard,- thotë ai për ‘Sky’. - Kur isha më i ri, u zgjoja për t'i parë ata duke luajtur shumë herët në mëngjes, kështu që është mirë t’i shohësh këta sportistë të mëdhenj të shtrijnë dorën dhe të thonë: Hej, Josh, kjo është mirë".

Nasser Al-Khater , president i komitetit organizativ për Kupën e Botës 2022 në Katar, foli në dhjetor 2021 për opsionin që Cavallo të shkojë në Kupën e Botës. "Ne ju mirëpresim dhe ju ftojmë të vini dhe të njiheni me vendin përpara Kupës së Botës. Askush nuk ndihet i kërcënuar këtu, mendoj se ky perceptim i rrezikut është për shkak të akuzave dhe lajmeve të shumta që i japin vendit një perspektivë negative." Megjithatë, ai paralajmëroi në të njëjtën intervistë: "Homoseksualiteti nuk lejohet. Shfaqjet publike të dashurisë janë të neveritshme dhe kjo vlen për të gjithë."

Futbollisti homoseksual: Ëndrra ime është të shkoj në

B.T (Dosja.al)

Sondazh

Poll

MË SHUMË