Sport

Luftë mediatike! McGregor ‘provokon’ Masvidal: "Unë dhe nëna jote shkojmë mirë"

Të dy luftëtarët vazhdojnë shkëmbimin e tyre mediatik të fjalëve në rrjetet sociale, duke pritur për një ndeshje të mundshme. Në ‘bashkëbisedimin’ nuk mungojnë edhe fyerjet

29 Qershor 2022, 19:03 Nga DOSJA
Luftë mediatike! McGregor ‘provokon’ Masvidal: "Unë
Luftëtari irlandez Conor McGregor

ANGLI - Conor McGregor dhe Jorge Masvidal janë dy nga luftëtarët më të dëshiruar dhe më të admiruar nga fansat e UFC. Të dy, përveç kësaj, janë mposhtur në ndeshjet e tyre të fundit. Për këtë arsye, pritshmëritë për një duel të mundshëm mes të dyve janë në rritje.

Së fundmi, ishte Masvidal ai që filloi duelin mediatik jashtë tetëkëndëshit dhe filloi të vendoste letrat e tij në tavolinë. Ai nuk hezitoi ta kërcënonte McGregor dhe gjithashtu të hidhte dorezën për luftën. "Jo, Conor nuk e dëshiron të ndeshet. Nëse do të bënte, do të postonte diçka, do të thoshte diçka", - ka zbuluar Masvidal në llogarinë e tij zyrtare në Twitter.

Por ndërkohë e ka vazhduar "provokimin" e tij ndaj irlandezit. "Ai ndoshta thjesht do të ofendojë nënën time, ndonjë të afërmin timin, ose kombin tim. Por mbase ai nuk do të thotë asgjë, për një sherr apo një takim,"- përfundoi luftëtari.

Mirëpo edhe McGregor nuk ka mbetur mbrapa dhe po ashtu përmes rrjeteve, iu përgjigj fjalëve të atij që mund të jetë rivali i tij në të ardhmen e afërt. "Të fyej nënën tënde? Çfarë shoku, sa i humbur je. Nëna jote dhe unë shkojmë mirë,"- u përgjigj irlandezi. 

Kryqëzimi dialektik nuk mbaroi me kaq dhe përsëri Masvidal do të vazhdonte: "Po, nëna ime të do për burrë? Ajo e di, që nuk mund të bëhesh fitues i madh në një luftë relativisht e lehtë për mua",- që e "sfidon" ai sërish europianin.

Këto nuk kanë qenë të vetmet deklarata të Masvidal në këto orët e fundit. Në një intervistë për ‘The Sun’ ai kërcënoi se do të provokonte përfundimisht largimin e tij si profesionist. "As që e shoh se ai mund të luftojë kundër meje, të them të drejtën. Por aq më pak, nëse ai siguron një ndeshje kundër meje, nuk mendoj se do të luftojë më pas kësaj,"- vazhdoi ai.

Shpatat janë të ngritura. Shkëmbimi i deklaratave tashmë ka nisur dhe shumë shpejt mund të përkthehet në një përleshje në ring mes dy prej luftëtarëve më të talentuar dhe mediatikë të garës.

B.T (Dosja.al)

Sondazh

Poll

MË SHUMË