Bota

Ademi për incidentin në Kuvendin e RMV-së: Ishte provokim i opozitës, duan destabilizimin e vendit

Sipas Ademit e gjitha ka qenë e inskenuar ng opozita që sipas tij kishte për bazë agjendat e huaja, që kanë për qëllim destabilizimin e vendit.

28 Qershor 2022, 12:44 Nga d.a.
Ademi për incidentin në Kuvendin e RMV-së: Ishte provokim i
Arbër Ademi

MAQEDONIA E VERIUT- Kryetari i Komisionit për Çështje Evropiane, Arbër Ademi ka folur për incidentin e djeshëm gjatë komisionit kuvendor ku theksoi se ky ishte një provokim i opozitës.

Sipas Ademit e gjitha ka qenë e inskenuar ng opozita që sipas tij kishte për bazë agjendat e huaja, që kanë për qëllim destabilizimin e vendit.

“Në radhë të parë më vjen keq për atë që ndodhi mbrëmë, në seancën e Komisionit për Çështje Evropiane dhe shprehi keqardhje për të gjitha ato skena të provokuara nga opozita të cilat ndodhën, gjë që nuk duheshe të ndodhe. Agjenda reformuese e kësaj shumice parlamentare por edhe e Qeverisë duhet të vazhdoj, nuk duhet të biem pre e provokimeve të tyre të cilat janë në funksion të realizimit të agjendave të huaja për destabilizim të vendit por edhe për de-fokusim të qytetarëve dhe të mbarë opinionit nga proceset integruese”, deklaroi Arbër Ademi, kryetar i Komisionit për Çështje Evropiane.

Një incident ka ndodhur në Kuvendin e Maqedonisë së Veriut ditën e djeshme për shkak të mosmarrëveshjeve për agjendën e Komisionit për Çështje Evropiane (KÇE). Gjatë seancës në Komisionin për çështje europiane ka ndodhur një përplasje mes Kryesuesit të Komisionit për Çështje Evropjane në Kuvend, Arbër Ademit dhe deputetëve të VMRO-DPMNE-së. 

arbër ademi kryetari i komisionit për çështje evropiane

Sondazh

Poll

MË SHUMË