Sport

Andrea Jaeger, fëmija-mrekulli e tenisit: “Jam ngacmuar seksualisht, të paktën mbi 30 herë!”

Finalistja e dy Grand Slam, rrëfen se çfarë i është dashur të durojë ngacmimet që në moshën 16-vjeçare. “Kur e denoncova, më kërcënuan dhe më thanë të largohesha nga tema”, tregon ajo

25 Qershor 2022, 15:19 Nga DOSJA

Andrea Jaeger, fëmija-mrekulli e tenisit: “Jam ngacmuar seksualisht,

SHBA - Ish-tenistja Andrea Jaeger, dy herë finaliste e Grand Slam-it, ka zbuluar në një intervistë për ‘The Independent’ se është ngacmuar seksualisht "të paktën 30 herë" në dhomat e zhveshjes së grave gjatë karrierës së saj, nga një oficere femër e stafit të Federatës së Tenisit për femrat.

Jaeger, tani 57 vjeçe, fitoi 10 tituj në karrierë, përpara se të tërhiqej në moshën 19-vjeçare për shkak të një dëmtimi në shpatull, që e bëri t’i nënshtrohet shtatë herë një operacioni. Ajo humbi ndaj Martina Navaratilova në finalen e ‘Roland Garros’ të vitit 1982 dhe gjithashtu në finalen e ‘Wimbledonit’ të vitit 1983. Ajo ishte gjithashtu gjysmëfinaliste 'e madhe' tri herë: ‘US Open’ në 1980 dhe 1982 dhe ‘Australian Open’ më 1982.

Jaeger shpjegoi se si e jetoi atë kohë me frikë: "Unë do të ndërroja tualetet portative, ose një banjë për të shmangur komentet, interesat ose veprimet e njerëzve të tjerë. Kam pasur të paktën 30 incidente me një anëtar të caktuar të stafit, përpjekje fizike, të gjitha në dhoma e zhveshjes shumë, shumë herët në karrierën time. Veçanërisht ajo punonjësja e stafit kishte një problem të madh të mbante duart normalisht. Ajo gjithashtu shmangte të qenit vetëm në dhomat e stërvitjes, sepse edhe atje ajo do të vinte tek unë",- tha ish-tenistja, që dikur ishte një fëmijë-mrekulli e tenisit.

Kur ish-tenistja raportoi për këto ngjarje në WTA, ata e kërcënuan atë me hakmarrje, siç u zbulua në intervistën për ‘The Independent’: "Më thanë: Nëse thua edhe një fjalë për këtë, ne do të sigurohemi që motrës sate në Stanford t’i hiqet bursa. Sa herë që përpiqesha të mbrohesha, ata kërcënonin se do të lëndonin dikë tjetër."

Jaeger ofron arsyet pse ka vendosur të flasë tani: "Unë mund të shoh se si në çdo sport, edhe tani, 40 vjet më vonë, nëse një fëmijë përballet me situata të ngjashme, ai gjithashtu mund të heshtë kur ndihet i kërcënuar. Unë nuk "dua të lejojë që ajo të pësojë më shumë dëme,"- thotë ish-tenistja.

Andrea Jaeger, fëmija-mrekulli e tenisit: “Jam ngacmuar seksualisht,

B.T (Dosja.al)

Sondazh

Poll

MË SHUMË