Sport

Neymar po i merr ‘frymën’ PSG-së me kontratën, paga e tij si ‘Faraon’!

Kontakt mes ndërmjetësve të sulmuesit barazilian dhe atyre të Juventusit. Paga e tij e papërballueshme nga të tjerët, ndërkohë që Ney ka letrat që i krijojnë qetësi

25 Qershor 2022, 08:08 Nga DOSJA

FRANCE - PSG do të përjetojë një verë me ndryshime. Rinovimi i Mbappes dhe lamtumira e Leonardos dhe Pochettinos mund të jetë fillimi i një epoke të re për klubin parizien. Një epokë në të cilën ka dyshime për pozicionin e Neymar.

'L'Equipe' zbuloi se kontrata e brazilianit mund të rinovohet automatikisht deri në vitin 2027, por presidenti Al Khelaifi, në deklaratat e tij të fundit për 'La Gazzetta dello Sport', ishte i hapur për situatën e tij: "Përtej thashethemeve për të ardhmen e Neymar, të gjithë duhet të japin më të mirën e tyre. Dhe, nëse jo, do të duhet të largohen, si ata që përfituan: do të ketë shitje”.

Mirëpo braziliani ka letrat për të vendosur të ardhmen e tij. Një vit më parë, skuadra pariziene e rinovoi kontratën me të deri në vitin 2025 dhe futi një klauzolë në të, e cila bën që Ney të aktivizojë një rinovim deri në vitin 2027 nga 1 korriku, siç raporton gazeta ‘Le Parisien’.

Në rast se Neymar do të rinovojë deri në vitin 2027, PSG do ta kishte praktikisht të pamundur të ndahej nga shërbimet e tij. Së pari, për një çështje kontraktuale, pasi përfundimi i kontratës së tij do t'i kushtonte Katarit më shumë se 150 milionë euro dhe së dyti për pagën e tij, pasi vështirë se ka ndonjë klub në Europë që mund ta marrë atë.

Me shumë gjasa, pavarësisht këtyre frazave, është e qartë që Neymar do të vazhdojë nën Kullën Eifel. Të gjesh një ekip që të vendosë në tavolinë gati 50 milionë euro bruto që PSG i garanton çdo vit brazilianit është shumë e vështirë, por merkato është e paparashikueshme. Siç mësoi ‘AS’, në fakt, në orët e fundit ndërmjetësit e brazilianit kanë kontaktuar me Juventusin, i cili në këtë seancë është një hap larg mbylljes së inkorporimit të Pogbas dhe pret përgjigjen e Di Marías.

Për skuadrën italiane, operacioni është i papërballueshëm me kushtet aktuale të sulmuesit, i cili duhet të heqë dorë nga më shumë se gjysma e pagës aktuale. Më e shumta që ‘Zonja e Vjetër’ mund t'u ofrojë yjeve të saj në këtë kohë, është ajo që e ka bindur Pogban, 8 milionë neto në sezon plus dy në variabla.

Neymar po i merr ‘frymën’ PSG-së me kontratën, paga e