Sport

Cristiano Ronaldo merr një vendim, pas aksidentit të Bugattit të tij luksoz...

Futbollisti portugez, i cili vazhdon të shijojë pushimet në Mallorca, ka pranuar të paguajë dëmin e shkaktuar nga një punonjës i tij.

22 Qershor 2022, 16:21 Nga DOSJA

Cristiano Ronaldo merr një vendim, pas aksidentit të Bugattit të

SPANJE - Të hënën e kaluar mësuam përmes ‘Última Hora’ për aksidentin spektakolar që kishte pësuar një nga punonjësit e Cristiano Ronaldos në bordin e Bugattit Veyron Grand Sport Vitesse, me vlerë më shumë se 2.1 milionë euro. Ngjarja, përplasja e automjetit me një mur të një prone, ka ndodhur në një urbanizim të Bunyolës, në Mallorca, pranë vendit ku ylli po shijon pushimet.

Fatmirësisht nuk ka pasur dëme personale, edhe pse dhimbjet e kokës që i janë shkaktuar pronarit janë të rëndësishme. “Nga goditja ma hoqën ujëmatësin dhe që atëherë nuk kam mundur të jetoj në shtëpinë time, dera doli jashtë dhe ata rrëzuan dy kolona betoni”,- ka treguar i dëmtuari për ‘Ultima Hora’, i cili kaloi momente ankthi për qenin e tij, i cili zakonisht e pret në vendin ku ka goditur makina.

“Mendova se e kishin vrarë. Kur hyra brenda e pashë duke u dridhur nga frika larg hyrjes”,- shton pronari i pronës, i cili ka treguar se ka vizituar strehën luksoze të pushimeve të Cristiano Ronaldos për të kërkuar shpjegime. “Më duhej të prisja shumë që të hapej dera, por gjeta një burrë dhe një grua shumë të sjellshëm. Në emër të Ronaldos, ata premtuan se do të paguajnë të gjithë dëmin e shkaktuar nga Bugatti. Më thanë rregulloj gjithçka dhe mbaj faturat”,- pohon pronari.

Kështu siç raportojnë mediat vendase, këtë të mërkurë, i prekuri do të kontaktojë me sigurimin për të rregulluar dëmin, ndërsa pret që Cristiano të mbajë fjalën dhe të paguajë dëmin e shkaktuar pa kaluar në ndonjë proces gjyqësor.

Cristiano Ronaldo merr një vendim, pas aksidentit të Bugattit të

B.T (Dosja.al)

Sondazh

Poll

MË SHUMË