Aktualitet

VD-Braçe në protestë me fermerët: Qeveria tu thotë stop pikave të grumbullimit, janë bërë zotër të çmimeve

Braçe thotë se u ka parë edhe faturat dhe paralajmëron se do t'i përmendë me emra të gjithë pronarët e pikave. 

22 Qershor 2022, 13:42 Nga F.M
VD-Braçe në protestë me fermerët: Qeveria tu thotë
Erion Braçe

TIRANË- Deputeti i Partisë Socialiste Erion Braçe ka denoncuar pikat e grumbullimit, për të cilat thotë se abuzojnë me fermerët pasi ua marrin produktet me një çmim që i çon drejt falimentit. Nga Çerma ku protestoi bashkëm e fermerët, Braçe thotë se u ka parë edhe faturat dhe paralajmëron se do t'i përmendë me emra të gjithë pronarët e pikave. 

"Të dalësh tek pikat e grumbullimit kupton që ata janë bërë zotër të grurit e të vendosjes së çmimit, jo shteti. Kam parë dje faturat, i kam parë të gjitha faturat e tyre. Të mos më detyrojnë të dal e tu them një e nga një me emra e mbiemra. Qeveria të thotë stop,"- tha Braçe. 

Fermerët kanë dalë shumë herë në protesta që pas rritjes së çmimeve. Ata kanë kultivuar rreth 100 hektarë me shalqi që ka mbetur në fusha pasi çmimi me të cilin u kërkohet që t’ua shesin tregtarëve në pikat e grumbullimit i çon drejt falimentit. E njëjta gjë ndodh edhe me grurin.

 

fermeret ne proteste erion brace

Sondazh

Poll

MË SHUMË