Politike

VD-Paketa e re mbështetje për të varfrit, Braçe: Janë shtresa më e goditur nga kriza

Braçe parashtroi një paketë të re që sipas tij do t'i vijë në ndihmë dhe në mbështetje më të varfërve në vend.

16 Qershor 2022, 12:17 Nga A.B
VD-Paketa e re mbështetje për të varfrit, Braçe: Janë
Erion Brace

TIRANË- Deputeti i Partisë Socialiste, Erion Braçe deklaroi ditën e sotme se vendi po përballet me një goditje e jo krizë. Gjatë fjalës së tij në Kuvend, Braçe parashtroi një paketë të re që sipas tij do t'i vijë në ndihmë dhe në mbështetje më të varfërve në vend. Deputeti deklaroi se duhet bërë rishpërndarje e barabartë për atë shtresë e cila është duke u goditur më shumë në këtë periudhë. 

'Nuk kemi krizë, kemi goditje. Kjo është goditja e tretë për ekonominë në vitet e fundit. Rritja ekonomike e vitit 2022 pritet të jetë 3%, por do të jetë e zbehtë nga rritja e çmimeve. Inflacionin e ndjejnë qytetarët në xhepat e tyre cdo ditë. Është inflacion i ndjeshëm, është kthyer në inflacion me bazë të gjerë dhe pritet të mbetet në nivele të larta muajt në vijim. Populizmi nuk duhet të kthehet në barrë për ekonominë kombëtare. Buxheti që ndryshuam me aktin normativ ka akomoduar nevojat shtesë të ekonomisë, por edhe nevojat për të mbështetur të varfrit, por duhet rishpërndarje dhe kjo duhet bërë tani. Tani duhet një paketë e re mbështetje për ata që po goditen më fortë”, tha deputeti Braçe.

erion brace seance plenare 16 qershor 2022

Sondazh

Poll

MË SHUMË