Aktualitet

Atentati ndaj Sadikajt, flet e motra: Lekë me fajde? E vërtetë! Jepte shuma të vogla

Vanesa Sadikaj ka bërë me dije se jelekun anti-plumb e kishte dhuratë nga një shok, ndërsa pranoi se vëllai jepte para me fajde.

14 Qershor 2022, 15:27 Nga k.m.
Atentati ndaj Sadikajt, flet e motra: Lekë me fajde? E vërtetë!
Aleksandër Sadikaj

TIRANË- Motra e Aleksandër Sadikajt ka dhënë një intervistë ku ka folur lidhur me dyshimet e saj për vrasjen e të vëllait. Gjatë fjalës së saj, në një intervistë për "Fax", Vanesa Sadikaj ka bërë me dije se jelekun anti-plumb e kishte dhuratë nga një shok, ndërsa pranoi se vëllai jepte para me fajde. Por vetëm me shuma të vogla e tek miq e të afërm. Po ashtu, mohoi lajmin se nëna e saj është dënuar për prostitucion, e se sipas saj, kjo gjë është faktuar nga Gjykata.

"Jetonte me një banesë me qera prej 4 vitesh, së bashku me bashkëjetuesen e tij. Ne shkonim shpesh tek ai, e takoja çdo ditë. Kishte një anti-plumb që ia kishte bërë dhuratë një shok. Të bëjnë ekspertizë atë anti-plumb ai se veshi kurrë. Dylbitë e gjetura, kemi faqe online, sheshim aksesosrë për kafshë. Dylbitë përdoren për të parë zogj nga larg. Pjesë e ndonjë grupi kriminal? Nuk ka asnjë shok në Holandë, as nuk ka shkuar kurrë atje.Lekët me fajde? E vërtetë! Janë dhënë shuma të vogla tek miqtë dhe shokët. Nuk të vret njëri për shuma kaq të vogla. Vëllai im ka qenë shumë i lumtur kohët e fundit. Me mua fliste çdo gjë. Edhe për kafshët, edhe kur kishte ndonjë hatërmbetje. Mamaja ime ka ushtruar prostitucion? Gënjeshtër. E hodhi poshtë Gjykata akuzën. Tek lokali kemi qenë në përgjim përnjë vit,"-tha në fjalën e saj ajo.

PJESË NGA INTERVISTA: 

Pyetje: Është gjetur një anti-plumb në banesën e vëllait tuaj, ju e dinit?

Vanesa Sadikaj: Po e dija, është një dhuratë që ia ka bërë një shok nga Greqia dhe nuk është përdorur asnjëherë dhe kjo gjë mund të vërtetohet edhe nga ekspertiza.

Pyetje: Po në lidhje me dylbitë?

Vanesa Sadikaj: Ne kemi një faqe online ku shesim aksesorë për kafshët, ata dylbi janë në shitje tek faqja, nuk e di nëse përdoren për të parë zogjtë por aty i shisnim.

Pyetje: Një tjetër dyshim është se vëllai juaj ishte i përfshirë në një grup kriminal në Hollandë…

Vanesa Sadikaj: Nuk ka lidhje fare, vëllai im nuk njeh njeri atje, nuk ka shkuar kurrë në Hollandë.

Pyetje: Po sa i përket dhënies së lekëve me fajde, sa e vërtetë është?

Vanesa Sadikaj: Kjo është e vërtetë, por kanë qenë shuma të vogla të dhëna tek shokët dhe miqtë e afërt dhe që nuk kanë lidhje me këtë gjë sepse askush nuk do e bënte një atentat të tillë për shuma të vogla. Ai ka qenë shumë i lumtur kohët e fundit, kemi qenë shumë të lumtur bashkë, duke kaluar momente të bukura, pa pasur asnjë lloj shqetësimi sepse ai çdo gjë e ndante me mua. 

Pyetje: A ruhej vëllai juaj?

Vanesa Sadikaj: Nuk e kam pasur dijeninë për këtë por di që ajo gjë nuk ishte se ruhej nga diçka sepse po të ruhej nga diçka nuk do bënte një jetë kaq të mirë. I kemi mundësitë familjarisht që ta dërgonim jashtë dhe ta mbronim. Edhe kjo është një gënjeshtër e madhe që po e zmadhojnë shumë. Vëllai im ka pasur ditëlindjen në 29 maj ku po mbahej një festë në lokalin tonë në Tiranë. Policia ka ardhur të kërkojë që lokali të mbyllej sepse ishte mesnatë. Vëllai im thjesht nuk ka pranuar që të përfundonte festa, por nuk ka pasur diçka të tillë siç e bëjnë mediat.

Pyetje: Ku ishte nisur ditën e vrasjes?

Vanesa Sadikaj: Edhe për këtë ka pasur gënjeshtra të mëdha. Vëllai im po shkonte për tek TEG-u nuk po vinte për Memaliaj. Kur vjen për Memaliaj ai përdor autostradën. Ai ka qenë shumë i lumtur kohët e fundit, kemi qenë shumë të lumtur bashkë, duke kaluar momente të bukura, pa pasur asnjë lloj shqetësimi sepse ai çdo gjë e ndante me mua.

Aleksandër Sadikaj u vra në një atentat me tritol me telekomandë. I riu me precedentë penalë ka qenë duke udhëtuar me makinën që rezulton të jetë në pronësi të Petrit Osmanit në momentin që atentatorët kanë shpërthyer tritolin me telekomandë. Sadikaj u nxorr pa gjymtyrë nga mjeti dhe kalimtarë të rastit e dërguan në spital ku dhe ndërroi jetë. 27-vjeçari është skeduar për një sërë veprash penale si vjedhje, vrasje, plagosje dhe mosbindje e kundërshtim të forcave të policisë. Hetimet janë fokusuar në të shkuarën e të riut. Gjatë kontrollit të bërë në shtëpinë e tij sot u raportua se i gjetën kanabis e antiplumb.

aleksandër sadikaj vanesa sadikaj atentat aleksander sadikaj

Sondazh

Poll

MË SHUMË